కళ్యాణి ప్రియదర్శన్ తెలుగు ప్రేక్షకులకి సుపరిచితమే. ‘హలో’ ‘చిత్రలహరి’ ‘రణరంగం’ చిత్రాల్లో నటించింది. తెలుగులో ఈమెకి ఆశించిన స్థాయిలో సక్సెస్ దక్కలేదు. దీంతో తమిళ, మలయాళ భాషల్లో సినిమాలు చేసుకుంటూ బిజీగా గడుపుతోంది. ఆమె తండ్రి ఒకప్పుడు మలయాళంలో పెద్ద దర్శకుడు. నాగార్జునతో ‘నిర్ణయం’ అనే సినిమా చేశారు. కళ్యాణి ప్రియదర్శన్ తల్లి లిస్సి కూడా ఒకప్పుడు స్టార్ హీరోయినే. తెలుగులో ఆమె ‘స్టూవర్టుపురం దొంగలు’ వంటి సినిమాల్లో నటించింది.
చివరిగా ‘ఛల్ మోహన్ రంగ’ సినిమాలో హీరోయిన్ మేఘ ఆకాష్ కి తల్లిగా నటించింది. కళ్యాణి ప్రియదర్శన్ తమిళంలో, మలయాళంలో బాగానే రాణిస్తుంది. ‘మనాడు’ ‘హృదయం’ ‘బ్రో డాడీ’ వంటి హిట్లు ఈమె ఖాతాలో ఉన్నాయి. ప్రస్తుతం ‘ఆంటోనీ’ అనే మలయాళ సినిమాలో నటిస్తుంది కళ్యాణి. ఈ చిత్రం షూటింగ్ ఫాస్ట్ గానే జరుగుతుంది. అయితే షూటింగ్లో భాగంగా కళ్యాణి.. యాక్షన్‌ సీక్వెన్స్‌ లో పాల్గొనాల్సి ఉందట. ఈ క్రమంలో దురదృష్టవశాత్తు కళ్యాణి గాయపడింది.
ఆమె (Actress) ఎడమ చేతికి గాయం అయ్యిందట. ఈ విషయాన్ని స్వయంగా కళ్యాణి చెప్పుకొచ్చింది. ‘స్టంట్లు నాలాంటి బలహీనుల కోసం కాదు’’ అంటూ ఆమె పెట్టిన పోస్ట్ ఇప్పుడు వైరల్ అవుతుంది. ఆంటోనీ షూటింగ్లో భాగంగా 29వ రోజు గాయం అయ్యిందని కళ్యాణి చెప్పుకొచ్చింది. ఓ వీడియో రూపంలో ఆమె ఈ విషయాన్ని బయటపెట్టింది. ఆ వీడియో కూడా ఇప్పుడు వైరల్ గా మారింది. ఆమె త్వరగా కోలుకోవాలని నెటిజన్లు కామెంట్లు పెడుతున్నారు.
Kalyani Priyadarshini’s recent Instagram post pic.twitter.com/XxpIDLvfuQ
— Viral Briyani (@Mysteri13472103) June 21, 2023
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
Home