రవితేజకి విలన్ గా మారిన డైరక్టర్!

మాస్ మహారాజ్ రవితేజ స్పీడ్ అందరికీ తెలిసిందే. బరిలోకి దిగనంతవరకే ఆలోచిస్తారు. ఒకసారి అడుగుపెట్టారా.. దూసుకుపోవడమే. ఆ వేగంతోనే ఇప్పుడు రెండు చిత్రాలను చేస్తున్నారు. అందులో దిల్ రాజు ప్రొడక్షన్ లో చేస్తున్న ‘రాజా ది గ్రేట్’ షూటింగ్ కి త్వరలో పేకప్ చెప్పనున్నారు. పటాస్’, ‘సుప్రీమ్’ విజయాలతో హిట్ దర్శకుడిగా నిరూపించుకున్న అనిల్ రావిపూడి తెరకెక్కిస్తున్న ఇందులో రవితేజ అంధుడిగా నటిస్తున్నారు. అలాగే నూతన దర్శకుడు విక్రమ్ సిరికొండ తో “టచ్ చేసి చూడు” సినిమా చేస్తున్నారు. ఈ రెండే కాకుండా మరో ప్రాజక్ట్ కి  గ్రీన్ సిగ్నల్ ఇచ్చారు.

తమిళ్ లో సూపర్ హిట్ అయిన  భోగన్ సినిమాను తెలుగులో రీమేక్ చేయడానికి ఓకే చెప్పారు. ఈ సినిమా పనులు మొదలయ్యాయి. ఇందులో విలన్ గా నటించిన అరవింద్ స్వామిని నటించమంటే అతను చేయనున్నారు. ఆ రోల్ తాజాగా తమిళ డైరక్టర్ ఎస్.జె. సూర్య కి వెళ్లినట్టు సమాచారం. స్పైడర్ లో విలన్ గా అదరగొట్టారని పేరు రావడంతో అతన్ని సంప్రదించగానే ఒప్పుకున్నట్లు తెలిసింది. ఈ సినిమా డైరక్టర్, నిర్మాత వివరాలు త్వరలో అధికారికంగా బయటికి రానున్నాయి.

Also, do SUBSCRIBE to our YouTube channel to get latest Tollywood updates.