దర్శక ధీరుడు రాజమౌళి గురించి ప్రత్యేకంగా పరిచయం చేయాల్సిన అవసరం లేదు. తెలుగు సినిమా స్థాయిని ప్రపంచ సినిమాల దృష్టికి తీసుకువెళ్లిన ఏకైక దర్శకుడు రాజమౌళి. ఇప్పటివరకు ఆయన కెరీర్లో తీసిన ప్రతి సినిమా బాక్సాఫీస్ వ‌ద్ద సూపర్ హిట్ గా నిలిచింది. స్టూడెంట్ నెంబర్ 1 తో మొదలుపెడితే త్రిబుల్ ఆర్ సినిమా వ‌ర‌కు ఒకదానికి మించి మరొక సినిమా తెలుగు సినిమా స్థాయిని పెంచుకుంటూ వెళ్ళాయి అని అందరికి తెలిసిందే.. అయితే రాజమౌళితో సినిమాలు చేయడానికి ఎందరో అగ్ర హీరోలు ఎదురుచూస్తూ ఉంటారు.
వారి కెరీర్ లో ఒక్కసారైనా రాజమౌళితో సినిమా చేయాలని ఎదురుచూసే హీరోలు కూడా ఉన్నారు. ఇదే సమయంలో రాజమౌళి పిలిచి మరి అవకాశం ఇచ్చిన కూడా రిజెక్ట్ చేసిన హీరోలు కూడా ఉన్నారు. రాజమౌళి సినిమాలను రిజెక్ట్ చేసిన హీరోలు ఎవరో ఇప్పుడు చూద్దాం. రాజమౌళి- రవితేజ కాంబోలో వచ్చిన విక్రమార్కుడు సినిమాను ముందుగా పవర్ స్టార్ పవన్ కళ్యాణ్ తో చేయాలనుకున్నారట. ఆదే సమయంలో పవన్‌కు కథ చెప్పక ఆయన కూడా ఓకే చెప్పాడట. కానీ అదే సమయంలో వరుస సినిమాల షూటింగ్లో బిజీగా ఉన్న పవన్ ఈ సినిమాకు సమయం ఇవ్వలేకపోయాడు.
బాహుబలి సినిమాలతో భారతీయ సినిమా చరిత్రను తిరగరాసిన (Rajamouli) రాజమౌళి ఈ సినిమాలో ఓ కీలక పాత్ర కోసం కోలీవుడ్ స్టార్ హీరో సూర్యను సంప్రదించారట. అదే సమయంలో ఇతర కారణాలతో సూర్య ఆఫర్ ను రిజెక్ట్ చేశాడట. అలాగే బాహుబలి సినిమాలో కీలకమైన పాత్రగా నిలిచిన కట్టప్ప పాత్ర కోసం ముందుగా మలయాళీ సూపర్ స్టార్ మోహన్ లాల్ ను సంప్రదించారట. అయినా కట్టప్ప పాత్రకు గుండు గా ఉండాలని చెప్పడంతో మోహన్ లాల్ కూడా ఈ సినిమాను రిజెక్ట్ చేశాడు.
అలాగే మరో బాలీవుడ్ హీరో వివేక్ ఒబెరాయ్‌ని కూడా బాహుబలి సినిమాలో బల్లాల దేవా పాత్ర కోసం అడగగా ఆయన కూడా కొన్ని కారణాలతో ఈ సినిమాకు నో చెప్పాడట. అంతేకాకుండా మరో బాలీవుడ్ నటుడు జాన్ అబ్రహం కూడా బల్లాల దేవా పాత్ర కోసం అడగక ఆయన కూడా ఈ సినిమాకు నో చెప్పాడట. అలాగే నట‌సింహం నందమూరి బాలకృష్ణను కూడా సింహాద్రి సినిమాలో హీరోగా నటించమని అడిగితే ఆయన రిజెక్ట్ చేశాడట. వీరే కాకుండా ఎందరో హీరోలు రాజమౌళి సినిమాలను చేతులారా వదులుకున్నారు.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
