అప్పుడు పవన్ కి హిట్ ఇచ్చిన శృతి ఇప్పుడు ఏమి చేస్తుందో..?
September 17, 2020 / 03:11 PM IST
|Follow Us
వకీల్ సాబ్ మూవీ కోసం ఆయన ఫ్యాన్స్ వేయికళ్ళతో ఎదురు చూస్తున్నారు. పవన్ నుండి మూవీ వచ్చి మూడేళ్లు అవుతుండగా, ఆయనను వెండితెరపై చూడాలని ఎంతగానో ఆశపడుతున్నారు. వీరి సరదా పవన్ మేలోనే తీర్చేద్దాం అనుకున్నారు. ఐతే కరోనా లాక్ డౌన్ ఆయన ఆలోచనకు, ఫ్యాన్స్ ఉత్సాహానికి బ్రేక్ వేసింది. థియేటర్స్ బంధ్ నేపథ్యంలో షూటింగ్ చివరి దశలో ఉన్నా, పూర్తి చేసి విడుదల చేయలేని పరిస్థితి. కనీసం నెక్స్ట్ సంక్రాంతికి అయినా వకీల్ సాబ్ విడుదల అవుతుందని ఫ్యాన్స్ ఆశతో ఉన్నారు.
కాగా ఈ మూవీలో హీరోయిన్ గా శృతి హాసన్ నటిస్తున్న సంగతి తెలిసిందే. కథ రీత్యా వకీల్ సాబ్ లో హీరోయిన్ ది కేవలం గెస్ట్ రోల్ మాత్రమే. అవకాశాలు లేని శృతి పాత్ర నిడివి తక్కువైనా ఒప్పుకుంది. కాగా వీరిద్దరికి కాంబినేషన్ లో ఇది మూడవ చిత్రం. మొదటిసారి గబ్బర్ సింగ్ మూవీ కోసం పవన్, శృతి జతకట్టారు. అది బ్లాక్ బస్టర్ హిట్ కొట్టింది. ప్లాప్స్ లు ఉన్న పవన్ కి హిట్టు ఇచ్చిన ఈ చిత్రం, ఐరన్ లెగ్ అనే అపవాదకు మోస్తున్న శృతి హాసన్ కి కాదని నిరూపించుకొనేలా ఉపయోగపయింది.
మొత్తంగా సరైన సమయములో వీరిద్దరికి కావలసిన హిట్ ఆ చిత్రంతో దొరికింది. రెండోసారి కాటమరాయుడు మూవీ కోసం వీరిద్దరూ కలిసి నటించారు. ఆ మూవీ ఆశించిన విజయం సాధించలేదు. ఈ నేపథ్యంలో ముచ్చటగా మూడోసారి వీరు కలిసినటిస్తుండగా ఫలితం ఏమిటనేది ఆసక్తికరంగా మారింది.