Sudhakar Komakula: మగబిడ్డకి జన్మనిచ్చిన నటుడు సుధాకర్ భార్య హారిక..!

May 21, 2022 / 12:53 PM IST

ప్రముఖ హీరో, సహాయ నటుడు అయిన సుధాకర్ కొమాకుల ఓ బిడ్డకి తండ్రయ్యాడు. అతని భార్య హారిక పండంటి మగబిడ్డకు జన్మనిచ్చింది. మే 14న ఆమె భార్యకి అమెరికాలో డెలివరీ అయ్యింది. అయితే ఈ వార్త కాస్త ఆలస్యంగా వెలుగులోకి వచ్చింది. ప్రస్తుతం తల్లీ బిడ్డ క్షేమంగానే ఉన్నారు. అతని కొడుక్కి ‘రుద్ర’ అని నామకరణం చేశారు ఈ దంపతులు.’రుద్ర’ అంటే చెడు పై యుద్ధం చేసేవాడు అలాగే పరమశివుడుని కూడా గుర్తుచేసే విధంగా ఈ పేరు ఉంటుంది.

సుధాకర్, హారిక లు ఇప్పుడు చాలా సంతోషంగా ఉన్నారు. తమ పెళ్లిరోజు కంటే ముందుగానే తమ బిడ్డ రూపంలో దేవుడు మంచి బహుమతి ఇచ్చి దీవించినట్టు వారు భావిస్తున్నారు. ఈరోజు సుధాకర్ మరియు హారికల పెళ్లిరోజు కావడం విశేషం. శేఖర్ కమ్ముల దర్శకత్వంలో తెరకెక్కిన ‘లైఫ్ ఈజ్ బ్యూటిఫుల్’ చిత్రంలో నాగరాజుగా నటించి మెప్పించిన హీరో సుధాకర్ కొమాకుల ఆ తర్వాత ‘కుందనపు బొమ్మ’ ‘నువ్వు తోపురా’ వంటి సినిమాల్లో కూడా హీరోగా నటించాడు.

‘క్రాక్’ ‘రాజా విక్రమార్క’ వంటి సినిమాల్లో సహాయ నటుడిగా కూడా చేశాడు. లాక్ డౌన్ టైంలో మెగాస్టార్ చిరంజీవి సూపర్ హిట్ పాట ‘ఇందువదన’ కి తన భార్యతో కలిసి డ్యాన్స్ చేసి చిరు ప్రశంసలు అందుకుని మరింతగా పాపులర్ అయ్యాడు. సుధాకర్ భార్య హారిక కూడా మంచి డాన్సర్. ఆమె చిన్నతనం నుంచి భరతనాట్యం, క్లాసికల్ డాన్స్ నేర్చుకుందని. తనకు డాన్స్ అంటే ఇష్టమని సుధాకర్ ఓ సందర్భంలో చెప్పుకొచ్చాడు.