టాలీవుడ్ యంగ్ హీరో సందీప్ కిషన్ కి చాలా కాలంగా తెలుగులో హిట్టు లేదు. ఆయన ఎన్ని సినిమాలు చేస్తున్నా.. పెద్దగా వర్కవుట్ అవ్వడం లేదు. అదే సమయంలో కోలీవుడ్ లో వరుస అవకాశాలు వస్తుండడంతో అక్కడకు షిఫ్ట్ అయ్యారు. హీరోగా సందీప్ కి కోలీవుడ్ లో మంచి పేరొచ్చింది. ఇప్పుడు ఏకంగా పాన్ ఇండియా సినిమా చేస్తున్నారు సందీప్. అదే ‘మైకేల్’. ఇందులో విజయ్ సేతుపతి కీలకపాత్ర పోషిస్తున్నారు.
రంజిత్ జయకోడి ఈ సినిమాను డైరెక్ట్ చేస్తున్నారు. భరత్ చౌదరి, పుస్కూర్ రామ్ మోహన్ కలిసి ఈ సినిమాను నిర్మిస్తున్నారు. ఐదు భాషల్లో ఈ సినిమాను రిలీజ్ చేయబోతున్నారు. నిన్ననే ఈ సినిమాకి సంబంధించిన టీజర్ ని వదిలారు. ఇందులో యాక్షన్ సీన్స్ తో ఆకట్టుకున్నారు సందీప్. టీజర్ అయితే ప్రామిసింగ్ గానే ఉంది. మరి సినిమా ఎలా ఉంటుందో చూడాలి. అయితే ఈ సినిమా గురించి కొన్ని ఆసక్తికర విషయాలను వెల్లడించారు సందీప్ కిషన్.
‘నాకు నేనుగా పెట్టుకున్న అతి పెద్ద పరీక్ష ‘మైకేల్’ అని చెప్పారు సందీప్. మూడేళ్ల క్రితం ఈ సినిమా కోసం వర్క్ స్టార్ట్ చేశామని.. దర్శకుడు రంజిత్ తనకు యూనివర్స్ ఇచ్చిన గిఫ్ట్ అని అన్నారు సందీప్. ఈ సినిమా కోసం పడిన కష్టం గురించి మాటల్లో చెప్పలేనని.. 24 కిలోల బరువు తగ్గానని అన్నారు. విజయ్ సేతుపతి అన్నతో కలిసి పని చేయడం గొప్ప ఫీలింగ్ అని చెప్పారు.
తొమ్మిది రోజుల పాటు రాత్రిపగలు ఆయనతో షూటింగ్ చేశామని.. ఒక్క క్షణం కూడా ఆయన అలసట చెందలేదని అన్నారు. ‘మైకేల్’తో కొత్త ప్రయత్నం చేశామని.. ప్రేక్షకులు ఆదరిస్తారని నమ్ముతున్నట్లు చెప్పుకొచ్చారు సందీప్ కిషన్.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
Home