ఈ ఏడాది విడుదలైన ‘సరిలేరు నీకెవ్వరు’ చిత్రం ఎంత పెద్ద హిట్ అయ్యిందో ప్రత్యేకంగా చెప్పనవసరం లేదు. మహేష్ బాబు కెరీర్లోనే హైయెస్ట్ కలెక్షన్స్ ను సాధించింది ఈ చిత్రం. చాలా రోజుల తర్వాత మహేష్ ను మాస్ యాంగిల్ లో చూడాలనుకున్న అభిమానుల ఆకలి తీర్చాడు దర్శకుడు అనిల్ రావిపూడి. అయితే ఫస్ట్ హాఫ్ లో వచ్చే ట్రైన్ ఎపిసోడ్ మాత్రం.. చాలా మందికి నచ్చలేదు. ముఖ్యంగా ఈ చిత్రంతో తిరిగి నటుడుగా బిజీ అవ్వాలని ట్రై చేసిన బండ్ల గణేష్ కు దర్శకుడు అనిల్ హెల్ప్ చెయ్యలేకపోయాడనే చెప్పాలి.
సరే ఈ విషయాన్ని పక్కన పెట్టేస్తే.. ‘ఎఫ్3’ చిత్రంలో ఓ కీలక పాత్ర కోసం సునీల్ ను ఎంచుకున్నాడట అనిల్.వెంకీ, వరుణ్ లతో కలిసి సునీల్ క్యారెక్టర్ ట్రావెల్ అవుతుందట. శుభం కార్డు పడే వరకూ సునీల్ ట్రాక్ ఉంటుందని తెలుస్తుంది. తిరిగి కమెడియన్ గా రీ ఎంట్రీ ఇచ్చిన సునీల్ కు ఒక్క ‘చిత్రలహరి’ తప్ప మరే చిత్రమూ హెల్ప్ అవ్వలేదు. తన స్నేహితుడు మరియు ఎంతో అనుభవం ఉన్న దర్శకుడు త్రివిక్రమ్ కూడా సునీల్ ను గట్టెక్కించలేకపోయాడు.
అలాంటిది యంగ్ డైరెక్టర్ అయిన అనిల్ రావిపూడి… సునీల్ కు పూర్వ వైభవాన్ని తీసుకొస్తాడా? అనేది మిలియన్ డాలర్ల ప్రశ్న. తేడా కొడితే మాత్రం మళ్ళీ బండ్ల గణేష్ లానే సునీల్ కూడా బాధపడాల్సి వస్తుందేమో..!
Most Recommended Video
టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
