మెగాస్టార్ చిరంజీవి నటించనున్న 150 వ చిత్రం ఇటీవలే పూజా కార్యక్రమాలతో లాంచనంగా ప్రారంభం అయ్యింది. ఈ చిత్రంలో నటించే అవకాశం వస్తే చాలని చాలా మంది బహిరంగంగా చెప్పారు. సునీల్ కూడా ఈ చిత్రంలో నటించే అవకాశం వస్తే తప్పక నటిస్తానని చెప్పగా.. సునీల్ కు ఇప్పుడు ఆ అవకాశం వచ్చినప్పటికీ నో చెప్పాడని అంటున్నారు.
ఇందుకు తాను హీరోగా చేస్తున్న మూడు చిత్రాలే కారణమట. చిరు 150 వ చిత్రంలో మెగాస్టార్ కి మిత్రుడి పాత్ర కోసం సునీల్ ని సంప్రదించగా మొదట ఒకే చెప్పాడని.. ఆ తరువాత 40 రోజుల డేట్స్ సర్దుబాటుకాకపోవడంతో సునీల్ తప్పుకున్నాడని టాక్. మరోవైపు ఈ పాత్ర కోసం వెన్నెల కిషోర్ ను సంప్రదిస్తున్నట్లు సమాచారం. రామ్ చరణ్ నిర్మిస్తున్న ఈ చిత్రానికి వివి వినాయక్ దర్శకత్వం వహిస్తున్నాడు. దేవిశ్రీ ప్రసాద్ స్వరకర్త.
