Ginna Movie: నటిగా సన్నీకి బ్రేక్ వస్తుందా..?

October 19, 2022 / 06:41 PM IST

మంచు విష్ణు హీరోగా తెరకెక్కించిన లేటెస్ట్ సినిమా ‘జిన్నా’. ఇందులో పాయల్ రాజ్ పుత్, సన్నీలియోన్ హీరోయిన్లుగా కనిపించనున్నారు. చాలా కాలం తరువాత సన్నీలియోన్ తెలుగులో సినిమా చేస్తోంది. కథ ప్రకారం.. ఇందులో ఆమె రేణుక అనే పాత్ర పోషిస్తోంది. ఈ పాత్ర చెవిటి, మూగ క్యారెక్టర్ అని తెలుస్తోంది. సినిమాలో సన్నీలియోన్ చెవిటి, మూగ అమ్మాయిగా కనిపించనుంది. ఈ పాత్ర చేయడం తనకు ఛాలెంజింగ్ గా అనిపించిందని చెప్పుకొచ్చింది సన్నీలియోన్.

తెలుగులో తనకు నటించిన ఫుల్ లెంగ్త్ సినిమా ‘జిన్నా’ అని.. ఇదొక సైకలాజికల్ థ్రిల్లర్ అని చెప్పింది. ఇలాంటి కథలు తనకు బాగా నచ్చుతాయని.. అందుకే కథ చెప్పిన వెంటనే ఓకే చేశానని తెలిపింది. ‘జిన్నా’ షూటింగ్ సమయంలో విష్ణుతో కలిసి కొన్ని ప్రాంక్ వీడియోలు చేశామని.. వాటికి మంచి రెస్పాన్స్ వచ్చిందని చెప్పింది. విష్ణు చాలా ఎనర్జిటిక్ పర్సన్ అని.. తనతో నటించడం చాలా కంఫర్ట్ గా ఉందని వెల్లడించింది. షూటింగ్ కోసం హైదరాబాద్ వచ్చినప్పుడు..

విష్ణు ఫ్యామిలీ తనను బాగా చూసుకున్నారని చెప్పుకొచ్చింది. మొత్తానికి ఈ సినిమాలో డిఫరెంట్ రోల్ చేస్తూ.. నటిగా తన సత్తా చూపించాలనుకుంటుంది సన్నీలియోన్. మరి ఈ సినిమాతో ఆమెకి ఎలాంటి పేరొస్తుందో చూడాలి. సోషల్ మీడియా గురించి మాట్లాడింది సన్నీలియోన్. తనపై వచ్చే నెగెటివ్ కామెంట్స్ ను చదవనని.. పాజిటివ్ కామెంట్స్ మాత్రమే చూస్తానని తెలిపింది. సోషల్ మీడియాలో ట్రోలింగ్ అనేది ప్రతి ఒక్కరికీ జరుగుతుందని.. వాటిని పట్టించుకోకుండా ముందుకు సాగాలని చెప్పుకొచ్చింది.