పవన్ కళ్యాణ్ పై షాకింగ్ కామెంట్స్ చేసిన సుప్రియ..!

అప్పట్లో పవన్ కళ్యాణ్ తో సినిమాలు చేసిన ఏ హీరోయినయినా ఒకటే మాట చెబుతుంది… ‘పవన్ చాలా సైలెంట్.. ఆయన పని ఆయన చూసుకుని వెళ్ళిపోతాడు.. ఆయన వ్యక్తిత్వం చాలా మంచిది’.. అంటూ చెప్పుకొస్తారు. ఇవి ప్రేక్షకులకి కూడా విని విని బోర్ కొట్టేశాయి. కానీ పవన్ కళ్యాణ్ మొదటి చిత్రమైన ‘అక్కడ అమ్మాయి ఇక్కడ అబ్బాయి’ లో హీరోయిన్ గా నటించిన సుప్రియ మాత్రం మరో విధంగా కామెంట్స్ చేసి… అందరికీ షాకిచ్చింది. అక్కినేని నాగేశ్వరరావు మనమరాలిగా ఎంట్రీ ఇచ్చిన సుప్రియ తన.. తొలి చిత్రం పవన్ సరసన చేసింది. ఆ తరువాత ఎందుకో ఆమె సినిమాల్లో నటించలేదు. దాదాపు 20 ఏళ్ళ తరువాత అడివి శేష్ హీరోగా వచ్చిన సూపర్ హిట్ చిత్రం ‘గూఢచారి’ లో నటించింది.

ఇటీవల ఆమె ఓ ఛానెల్ కు ఇచ్చిన ఇంటర్వ్యూలో పవన్ కళ్యాణ్ పై షాకింగ్ కామెంట్స్ చేసింది… “పవన్ కళ్యాణ్ తెగ సిగ్గు పడుతుండేవారు. మొదటి సినిమా కావడంతో చాలా ఒత్తిడికి గురయ్యేవారు. ‘అక్కడ అమ్మాయి ఇక్కడ అబ్బాయి’ షూటింగ్ సమయంలో నేను రోజూ పవన్ తో గొడవపడేదాన్ని. అయితే సరదాగానే..! హీరోగా మొదటి సినిమా కాబట్టి పవన్ చాలా టెన్షన్ ఫీలయ్యేవాడు. నాకు మాత్రం అలా అనిపించేది కాదు. అప్పట్లో హీరోలకు పొడవాటి జుట్టు, మీసం ఉండేది..! పవన్ కు కూడా అలానే ఉండేది. ఇక కళ్ళజోడు కూడా పెట్టేవారు. క్లోజప్ పెట్టి.. ఎక్స్ ప్రెషన్ అంటే ఏం కనపడుతుంది? దీంతో.. ఆయన ఏ ఎక్స్ప్రెషన్ ఇచ్చాడో తెలిసేది కాదు. దీంతో నేను నాలుగైదు టేకులు తీసుకోవాల్సి వచ్చేది. అక్కినేని మనమరాలు అయ్యుండి నాలుగైదు టేకులు తీసుకోవడమా? అని ఆయన కామెంట్ చేసేవాడు. దీంతో.. నాకు చాలా కోపం వచ్చి… ‘నువ్వు కళ్ళజోడు లేకుండా వచ్చి చెయ్యి’ అంటూ పవన్ తో తాను సరదాగా గొడవపడేదాన్ని” అంటూ చెప్పుకొచ్చింది సుప్రియ.