రాంచరణ్ కు పోటీగా చిరు పెద్ద కూతురు సుష్మితా..!

July 9, 2020 / 07:03 PM IST

మెగా పవర్ స్టార్ రాంచరణ్ కు అతని పెద్దక్క సుష్మిత గట్టి పోటీ ఇవ్వడానికి రెడీ అవుతుందట.అవును మీరు విన్నది నిజమే..! ఇంతకీ ఏ విషయంలో అనుకుంటున్నారా? సుస్మిత.. నేషనల్ ‘ఇన్‌స్టిట్యూట్ ఆఫ్ ఫ్యాషన్ టెక్నాలజీ’.. ఓల్డ్ స్టూడెంట్ అన్న సంగతి అందరికీ తెలిసిందే‌. ఆమె చదువుకున్న ఫ్యాషన్ టెక్నాలజీని తన తండ్రి నటిస్తున్న సినిమాలకు ఉపయోగిస్తూ వస్తుంది. ‘జై చిరంజీవ’ ‘ఖైదీ నెంబర్ 150’ ‘సైరా నరసింహారెడ్డి’ వంటి చిత్రాలకు ఈమె కాస్ట్యూమ్ డిజైనర్ గా పనిచేసింది.

అంతేకాదు నిజజీవితంలో తన తండ్రికి హెయిర్ స్టైలిష్ గా కూడా వ్యవహరిస్తోంది. అలాగే ఈవెంట్ లకు చిరు వేసుకోవాల్సిన డ్రెస్ లను కూడా డిజైన్ చేస్తుంటుంది. అలాంటి సుస్మిత త్వరలో నిర్మాతగా కూడా మారబోతుందనేది తాజా సమాచారం. అవును.. సుష్మిత నిర్మాతగా మారడానికి అన్ని విధాలుగా ప్రయత్నాలు మొదలు పెట్టిందట. ‘గోల్డ్ బాక్స్ ఎంటరైన్మెంట్స్’ అనే బ్యానర్ ను స్థాపించి ముందుగా పలు వెబ్ సిరీస్ లను నిర్మించాలని సుస్మిత ప్లాన్ చేస్తుందట.

వాటిని అల్లు అరవింద్ ‘ఆహా’ ప్లాట్ ఫామ్ కోసం కూడా ఇచ్చే అవకాశాలు ఉన్నాయట. అంతేకాదు భవిష్యత్తులో సినిమాలు కూడా నిర్మించాలని ప్లాన్ చేస్తుందట సుష్మిత. ఇప్పటికే ఆ దిశగా ప్రయత్నాలు మొదలయ్యాయని సమాచారం. సుష్మిత కొన్ని కథలను వింటుందట. ఓ పక్క చరణ్ కూడా ‘కొణిదెల ప్రొడక్షన్ కంపెనీ’ అనే బ్యానర్ ను స్థాపించి తన తండ్రితో సినిమాలు నిర్మిస్తున్న సంగతి తెలిసిందే.ఇక సుస్మిత కూడా నిర్మాతగా మారి తన తమ్ముడికి గట్టి పోటీ ఇస్తుందేమో చూడాలి.