శంకర్‌ – భారీతనం ఈ రెండూ వేర్వేరు పదాలు కాదు. ఒక దానికొకటి పర్యాయ పదాలు అనే చెప్పాలి. ఇప్పటివరకు శంకర్‌ తీసిన సినిమాలు చూస్తే ఈ మాట ఎవరైనా చెబుతారు. అయితే కాన్సెప్ట్‌ పోస్టర్ కోసమే సెలబ్రిటీ స్టిల్‌ ఫొటోగ్రాఫర్‌లను తీసుకొచ్చారు అంటే శంకర్‌ తన భారీతనంలో ఇంకొంచెం పెప్‌ యాడ్‌ చేశారనే చెప్పొచ్చు. శంకర్‌ – రామ్‌చరణ్‌ కాంబినేషన్‌లో రూపొందుతున్న సినిమా కాన్సెప్ట్‌ పోస్టర్ గురించే ఇదంతా.
We are coming అంటూ ఈ రోజు సినిమా కాన్సెప్ట్‌ పోస్టర్‌ను విడుదల చేసింది చిత్రబృందం. దిల్‌ రాజు బ్యానర్‌లో 50వ సినిమాగా రూపొందుతున్న ఈ చిత్రం ఈ రోజు ముహూర్తం జరుపుకుంటోంది. ఈ నేపథ్యంలో సినిమా కాన్సెప్ట్‌ పోస్టర్‌ను విడుదల చేశారు. ముందుగా వచ్చిన వార్తల ప్రకారమే ఈ సినిమాలో చరణ్‌ ప్రభుత్వ అధికారిగా కనిపించబోతున్నాడు. దానిని హింట్‌ ఇస్తూ… సినిమా కాస్ట్‌ అండ్‌ క్రూను అధికారుల రూపంలో సూటు, బూటు వేసి పోస్టర్ డిజైన్‌ చేశారు శంకర్‌. వెనుక చాలామంది ఆఫీసుకు వస్తున్నట్లుగా కూడా చూపించారు.
ఈ క్రమంలో సినిమాకు పని చేయబోయే మెయిన్‌ టీమ్‌ వివరాలు కూడా చెప్పేశారు. సినిమాలో కియారా అడ్వాణీ కథానాయిక కాగా… సునీల్‌, నవీన్‌ చంద్ర, జయరామ్‌, అంజలి తదితరులు నటిస్తున్నారు. తమన్‌ సంగీతమందిస్తున్నాడు. సాయిమాధవ్‌ బుర్రా మాటలు రాస్తున్నారు. రామకృష్ణ-మోనిక ఆర్ట్‌ విభాగం చూసుకోనున్నరు. ఇలా వీరంతా ఆ పోస్టర్‌లో కనిపిస్తున్నారు. వీరితోపాటు ఈ సినిమాకు తిరునావక్కరసు, రామజోగయ్య శాస్త్రి, అనంత శ్రీరామ్‌, నరసింహారావు తదితరులు కూడా పని చేస్తున్నారు.
ఈ వైవిధ్యమైన పోస్టర్‌ను రెగ్యులర్ కెమెరామెన్‌తో కాకుండా ప్రత్యేక టెక్నీషియన్ల‌తో షూట్ చేయించారట శంకర్‌. వారే రాజీవ్ చుదాసమా, అవినాష్ గోవారిక‌ర్. ఫొటోగ్రఫీని కొత్త పుంతలు తొక్కించారు రాజీవ్. అవినాష్ గోవారిక‌ర్‌కు ఫొటోగ్రాఫ‌ర్‌గా మంచి పేరే ఉంది. ఫొటో షూట్లు, డిజైనింగ్ కోసం రాజీవ్, అవినాష్‌కోట్లలో రెమ్యూనరేషన్ తీసుకుంటారని టాక్. ఈ నేపథ్యంలో ఫొటో షూట్ కోసమే ఇంత ఖర్చు పెట్టి భారీగా చేస్తే… సినిమాకు ఇంకెంత భారీతనం చూపిస్తారా అని ప్రేక్షకులు ఎదురు చూస్తున్నారు.
Most Recommended Video
బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
