మెగాస్టార్ చిరంజీవి పుట్టినరోజు సందర్భంగా విడుదల చేసిన ‘సైరా నరసింహ రెడ్డి’ టీజర్ యూట్యూబ్ లో రికార్డుల మీద రెకార్దులు క్రియేట్ చేస్తుంది. మెగాస్టార్ 151 వ చిత్రమైన ‘సైరా’ చిత్రాన్ని సురేందర్ రెడ్డి డైరెక్ట్ చేశాడు. 300 కోట్ల భారీ బడ్జెట్ తో ఈ చిత్రాన్ని మెగాపవర్ స్టార్ రాంచరణ్ నిర్మించాడు. ఉయ్యాలవాడ నరసింహ రెడ్డి జీవిత ఆధారంగా తెరకెక్కిన ఈ చిత్రాన్ని పాన్ ఇండియా మూవీ గా తెరకెక్కిస్తున్నారు. అందుకు తగినట్టే ఇందులో అన్ని భాషల్లో ఉన్న క్రేజీ నటులను ఎంచుకున్నారు. అమితాబ్ బచ్చన్, విజయ్ సేతుపతి, నయనతార, జగపతి బాబు వంటి అగ్ర తారలు నటించారు.
ఇక ఈ చిత్రం తెలుగు టీజర్ ఇప్పటికే 10 మిలియన్ వ్యూస్ ను రాబట్టింది. ఇక కన్నడ నాట కూడా రికార్డులను బద్దలు కొడుతోంది. కన్నడ స్టార్ హీరో కిచ్చ సుదీప్ నటించిన ‘పహిల్వాన్’ టీజర్ కు 24 గంటల్లో 2.4 మిలియన్ వ్యూస్ ను సాధించింది. ఇప్పటి వరకూ ఈ చిత్రం టీజరే మొదటి ప్లేస్లో ఉంది. అయితే ‘సైరా’ టీజర్ 24 గంటల్లో 3.7 మిలియన్ వ్యూస్ ను సాధించి సుదీప్ ‘పహిల్వాన్’ రికార్డును బద్దలు కొట్టింది. ఇక మన ‘సైరా’ చిత్రంలో కూడా సుదీప్ కీలక పాత్ర పోషించడం విశేషం. ఏమైనా ‘సైరా’ చిత్రానికి కన్నడంలో కూడా మంచి క్రేజ్ ఏర్పడిందని దీనిని బట్టి చెప్పొచ్చు.
