“ఏం సక్కగున్నావ్ రా” అంటూ ‘ఝుమ్మంది నాదం’ సినిమాతో వెండితెరకి పరిచయమైన సక్కనమ్మ తాప్సి. కెరీర్ ఆరంభంలో కొన్ని విజయాలు లభించినా కేవలం గ్లామర్ కే పరిమితమవుతోన్న పాత్రలకి పరిమితం కాలేక బాలీవుడ్ వైపు టర్న్ తీసుకుని ‘బేబీ’ సినిమాతో సక్సెస్ అందుకుని ఈ శుక్రవారం విడుదల కానున్న పింక్ సినిమాతో థియేటర్లలోకి రానుంది.
ప్రచార కార్యక్రమాల్లో భాగంగా మీడియాతో ముచ్చటించిన ఈ ఢిల్లీ భామ ‘పింక్’ సినిమాలో లైంగిక వేధింపులకు గురయ్యే పాత్రలో నటించానని తెలిపింది. ఇలాంటి పాత్రలో నటించడం ఓ సవాల్ లా భావించానని చెప్పిన తాప్సి నిజ జీవితంలోని కొన్ని విషయాలను పంచుకుంది. వేధింపుల అనుభవాలు ఎప్పుడూ ఎదురవకపోయినా ఎవరైనా టచ్ చేస్తే వణికిపోయేదాన్ని అని గతానుభావాలను బయటపెట్టింది. దీనికి కారణం సమాజంలోని పరిస్థితుల వల్ల తన తల్లిదండ్రులు భయంతో పెంచడమేనన్న ఈ అమ్మడు తనకు కూతురు పుడితే తాను పెరిగినట్టుగా కాక స్వేచ్ఛగా, ధైరంగా పెంచుతానని చెప్పింది. తెలుగుకు దూరమయ్యారన్న ప్రశ్నకు బదులిస్తూ తెలుగంటే ఎప్పటికీ అభిమానమే, సరైన పాత్రలు వస్తే మళ్ళీ తన సొంతగూటికి వచ్చేస్తానంది. ద్విభాషా చిత్రమైన ‘ఘాజీ’లో తాప్సి రానాకి జంటగా తెల్సిందే.
