రామ్ గోపాల్ వర్మ మాదిరిగానే అతని శిష్యుడు అజయ్ భూపతి తొలి చిత్రంతోనే సంచలనం సృష్టించారు. అతను తెరకెక్కించిన ఆర్ఎక్స్ 100 మూవీ పక్క పరిశ్రమలవారికి తెలిసేలా విజయదుందుభి మోగించింది. రెండున్నర కోట్లతో నిర్మితమైన ఈ సినిమా అంతకు ఎన్నోరెట్ల వసూళ్లను రాబట్టింది. అందుకే బాలీవుడ్ లో, కోలీవుడ్ లో రీమేక్ చేస్తున్నారు. హిందీలో ప్రముఖ నిర్మాణ సంస్థ ఫాంటమ్ పిక్చర్స్ “ఆర్ఎక్స్ 100 ” ను రీమేక్ పనులు మొదలు పెట్టింది. తెలుగు సినిమాని తెరకెక్కించిన అజయ్ భూపతి హిందీ వెర్షన్ కు దర్శకత్వం వహించనున్నారు. తమిళ రీమేక్ హక్కుల్ని ప్రముఖ నటుడు ఆది పినిశెట్టి తీసుకున్నారు.
అతను నటిస్తూ, నిర్మిస్తున్నారు. ఇందులో హీరోయిన్ గా బోల్డ్ గా నటించడానికి ఎవరు ముందుకొస్తారని .. అనుకున్నారు. కానీ తాప్సి ఒకే చెప్పినట్టు కోలీవుడ్ వర్గాలు తెలిపాయి. గుండెల్లో గోదారి సినిమాలో ఆది, తాప్సి కలిసి నటించారు. రొమాంటిక్ సన్నివేశాల్లో అలరించారు. వెండితెరపై వీరిమధ్య కెమిస్ట్రీ వర్కౌట్ కావడంతో అదే జోడీ ఇప్పుడు మళ్లీ హీట్ పుట్టించనుంది. ఇతర నటీనటులతో పాటు, డైరక్టర్ కూడా త్వరలోనే ఖరారు కానున్నారు. ఈ సినిమాతో మళ్లీ హీరోగా నిలదొక్కుకోవాలని ఆది ప్రయత్నిస్తున్నారు.
