టాలీవుడ్ లో దశాబ్దానికిపైగా హీరోయిన్ గా కొనసాగుతుంది తమన్నా. ఇప్పటి టాప్ స్టార్స్ అందరితో నటించేసిన తమన్నా, సీనియర్ స్టార్ హీరోలైన చిరంజీవి, వెంకటేష్ వంటి నటులతో కూడా నటించింది. ఇక ఆమె ఖాతాలో ఆల్ ఇండియా హిట్ బాహుబలి తో పాటు మెగాస్టార్ హీరోగా తెరకెక్కిన పాన్ ఇండియా మూవీ సైరా కూడా ఉన్నాయి. ఈమెతో పాటు వచ్చిన టాప్ హీరోయిన్స్ చాలా వరకు దుకాణం సర్దేశారు. మిల్కీ తెలుగు, తమిళంతో పాటు.. హిందీలో కూడా అవకాశాలు దక్కించుకుంటుంది.
ప్రస్తుతం తెలుగులో గోపి చంద్ 28వ చిత్రంగా వస్తున్న సీటీ మార్ లో నటిస్తున్న ఈమె, దట్ ఈజ్ మహాలక్ష్మీ అనే హిందీ రిమేక్ లో ప్రధాన పాత్ర పోషిస్తుంది. అలాగే బోల్ చుడియాన్ అనే హిందీ మూవీలో కూడా తమన్నా నటిస్తున్నారు. కాగా 15ఏళ్ల కెరీర్ లో అనేక పాత్రలు చేసిన తమన్నా కు ఓ డ్రీమ్ రోల్ ఉందట. ఆమెకు డాన్స్ ప్రధానంగా తెరకెక్కే సినిమాలో నటించాలని ఉందట. ఓ పూర్తి స్థాయి డాన్స్ ఓరియంటెడ్ మూవీలో డాన్సర్ గా చేయడమే తన డ్రీమ్ రోల్ అని చెప్పుకొచ్చింది తమన్నా. బేసిగ్గా మంచి డాన్సర్ అయిన తమన్నాకు అలాంటి రోల్ చేసే అవకాశం వస్తే ఇరగదీయడం ఖాయం.
డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
