నాగార్జున హోస్ట్ గా వ్యవహరిస్తున్న ‘బిగ్ బాస్’ సీజన్ 3 విజయవంతంగా 2 వారాలు పూర్తిచేసుకుంది. 15 మంది కంటెస్టెంట్ లతో మొదలైన ఈ షోలో ఇప్పటికే హేమ, జాఫర్ వంటి హౌస్ మేట్స్ ఎలిమినేట్ అయ్యారు. ఇక హేమ ఎలిమినేట్ అయ్యిన రోజునే ‘ట్రాన్స్ జెండర్’ తమన్నా సింహాద్రి వైల్డ్ కార్డ్ ఎంట్రీ ఇచ్చారు. ఈమె హౌస్ లోకి ఎంట్రీ ఇచ్చిన రోజు నుండీ కొన్ని వివాదాలు చోటు చేసుకుంటున్నాయి. ఆమె ప్రవర్తనతో హౌస్ మేట్స్ తో పాటు ప్రేక్షకులు కూడా విసిగిపోతున్నారు. దీంతో సోషల్ మీడియాలో ఆమెని ట్రోల్ చేస్తున్నారు నెటిజన్లు. అయితే ‘తమన్నా సింహాద్రి’ కి బదులు హీరోయిన్ తమన్నా ను ట్యాగ్ చేసి ట్వీట్లు వస్తుండడంతో ఇప్పుడు వైరల్ గా మారింది.
ఈ కారణంగా.. గత పదిరోజులు నుండీ తమన్నాకి ట్విట్టర్ ఓపెన్ చేయడం ఇబ్బందిగా మారిందట. రోజుకి వేల కొద్ది వస్తోన్న ట్వీట్లతో తమన్నా నోటిఫికేషన్స్ బార్ నిండిపోతుంది. హౌస్ లో తమన్నా ఏం చేసినా కానీ హీరోయిన్ తమన్నాని కూడా ట్యాగ్ చేస్తూ ట్వీట్లు వేయడాన్ని ట్రోలర్స్ బాగా ఎంజాయ్ చేస్తున్నారు. తమన్నా హేటర్స్ ఈ విధంగా ప్రవర్తిస్తున్నారనే కామెంట్స్ కూడా బలంగా వినిపిస్తున్నాయి. ఈ రకంగా తమన్నా బలైపోతుంది. పాపం తమన్నాకి ఎంత కష్టమొచ్చి పడింది..!
