ఈ ఏడాది ‘ఎఫ్2’ చిత్రంతో బ్లాక్ బస్టర్ అందుకుంది మిల్కి బ్యూటీ తమన్నా. ‘బాహుబలి’ సిరీస్ కాకుండా ఈమె కెరీర్లో బిగ్గెస్ట్ హిట్ ఇదే కావడం విశేషం. ప్రస్తుతం మెగాస్టార్ 151 వ చిత్రమైన ‘సైరా’ చిత్రంతో పాటు ఓంకార్ డైరెక్షన్లో తెరకెక్కుతున్న ‘రాజుగారి గది 3’ వంటి చిత్రాల్లో నటిస్తుంది తమన్నా. కుర్ర హీరోయిన్ల పోటీ ఎక్కువైనప్పటికీ తమన్నా అవకాశాలు దక్కించుకుంటుండమంటే ఆషామాషీ విషయం కాదు. ఇక సౌత్ లో ఆమెకు అవకాశాలు బాగానే వస్తున్నప్పటికీ తమన్నా దృష్టి మాత్రం బాలీవుడ్ పైనే ఉన్నట్టుంది.
తమన్నా ఇప్పటికే హిందీలో ‘హిమ్మత్ వాలా’ అనే చిత్రంతో ఎంట్రీ ఇచ్చింది. మొదటి చిత్రమే డిజాస్టర్ కావడంతో ఆమెకు పెద్దగా క్రేజ్ ఏర్పడలేదు. తరువాత ‘తుటాక్ తుటాక్ తూటియా’ ‘ఖామోషి’ వంటి చిత్రాల్లో నటించినా అవికూడా ఆశించిన స్థాయిలో హిట్టవ్వలేదు. దీంతో ఆమెకు ఎక్కువగా అవకాశాలు రాలేదు. కానీ ఎట్టకేలకు ఆమె ఓ సినిమాకి సైన్ చేసింది. నవాజుద్దీన్ సిద్ధిఖీ ప్రధాన పాత్రలో తెరకెక్కుతున్న ఈ చిత్రంలో తమన్నా హీరోయిన్ గా నటించనుంది. ఈ చిత్రానికి ‘బోలె చుడియన్’ అనే టైటిల్ ను ఫిక్స్ చేశారట. రొమాంటిక్ ఎంటర్టైనర్ గా తెరకెక్కుతున్న ఈ చిత్రంలో అనురాగ్ కశ్యప్ కూడా ఓ కీలక పాత్ర పోషిస్తున్నాడంట. నవాజుద్దీన్ సిద్ధిఖీ సోదరుడు షమాస్ నవాబ్ సిద్దిఖీ ఈ చిత్రాన్ని డైరెక్ట్ చేస్తున్నాడు. మరి ఈ చిత్రంతో అయినా తమన్నా బాలీవుడ్లో హిట్టందుకుంటుందేమో చూడాలి.
