టాలీవుడ్, బాలీవుడ్ ను మాత్రమే కాదు యావత్ ప్రపంచాన్ని కుదిపేసిన అంశం “మీటూ” (#MeToo). ఈ విషయంలో జరిగినంత రచ్చ, చర్చలు, హడావుడి ఈమధ్యకాలంలో దేశాల మధ్య పోరులకు కూడా జరగలేదు. అసలు శ్రీరెడ్డి అనే ఒక క్యారెక్టర్ ఆర్టిస్ట్ ను కూడా ప్రపంచానికి పరిచయం చేసిన ఘనత కూడా ఈ మీటూ మూమెంట్ దే. అయితే.. ఒక ఏడాది క్రితం వరకూ హోమాగ్ని కంటే దారుణంగా మండిన ఈ ఇష్యూ ఇప్పుడు సైలెంట్ అయిపోయింది. ఎక్కడో అడపాదడపా ట్విట్టర్ లో తప్పితే జనాలు ఈ విషయాన్ని పట్టించుకోవడం మానేశారు.
అయితే.. ఇప్పుడు ఈ ఇష్యూపై ఒక సినిమా తీస్తున్నారు లక్ష్మీకాంత్ చెన్నా. ఆంథాలజీగా రూపొందుతున్న ఈ చిత్రం “కమిట్మెంట్”. నాలుగు కథలు ఒక సినిమాగా రూపొందే ఈ చిత్రంలో తేజస్వి మడివాడ ఒక హీరోయిన్ గా నటించనుంది. ఇండస్ట్రీలోని లొసుగుల్నీ, దర్శకనిర్మాతలు హీరోయిన్లలు లొంగదీసుకొని తమ వాంఛ తీర్చుకోవడం కోసం పడే ప్రయాసలను చాలా పచ్చిగా చూపించనున్నామని చిత్రబృందం చెబుతోంది. మరి తేజస్వి కెరీర్ కి ఈ “కమిట్మెంట్” ఏమేరకు ఉపయోగపడుతుందో చూడాలి.
వెంకీ మామ సినిమా రివ్యూ & రేటింగ్!
అమ్మ రాజ్యంలో కడప బిడ్డలు సినిమా రివ్యూ & రేటింగ్!
