సీతమ్మ వాకిట్లో సిరిమల్లె చెట్టు, మనం, హార్ట్ ఎటాక్, కేరింత వంటి చిత్రాల ద్వారా వెండితెర ప్రేక్షకులకు తెలిసిన తేజస్వి.. బిగ్ బాస్ సీజన్ 2షో ద్వారా బుల్లితెర ప్రేక్షకులకు బాగా దగ్గరయ్యారు. ఈ భామ ఇప్పుడు మంచి ఛాన్స్ అందుకున్నారు. స్టార్ మా ఛానల్ వాళ్ళు నిర్వహించే “ది గ్రేట్ తెలుగు లాఫ్టర్ ఛాలెంజ్” కి హోస్ట్ చేసే అవకాశం దక్కించుకున్నారు. బిగ్ బాస్ షోలో పార్టిసిపెంట్ గా పాల్గొన్న ఈమె అదే ఛానల్లో షోకి హోస్ట్ గా చేసే ఛాన్స్ రావడంతో ఆనందపడుతోంది. “స్టాండప్ కామెడీ అంటే.. కూర్చుని కూడా నవ్వొచ్చు” అంటూ ప్రోమోలో బ్రహ్మానందం అదరగొట్టారు. ఇందుకు రెండు తెలుగు రాష్ట్రాల్లో మంచి రెస్పాన్స్ వచ్చింది.
చాలా మంది ఆడిషన్స్ కి వచ్చారు. వారిలో నవ్వించగలిగే యువతీ యువకులను సెలక్ట్ చేసుకున్నారు. ఇప్పుడు షూటింగ్ జరుగుతోంది. బ్రహ్మానందం జడ్జి గా వ్యవహరిస్తుండగా తేజస్వి హోస్ట్ గా చేస్తోంది. జబర్దస్త్ కామెడీ షోని డైరక్ట్ చేసిన సంజీవ్ .. ఈ షో కి డైరక్ట్ చేస్తున్నారు. ఇందులోనూ డబల్ మీనింగ్ డైలాగ్స్ ఉంటాయని అర్ధమవుతోంది. తేజస్వి అడల్ట్ కెమెడీ కి ముందు ఉంటుంది. సో అందుకే ఆమెని హోస్ట్ గా సెలక్ట్ చేసినట్లు తెలిసింది. జబర్దస్త్ షోని బీట్ చేయాలనీ సంకల్పంతో చేస్తున్న ఈ షోకి తేజస్వి ఎంత మేర ప్లస్ అవుతుందో చూడాలి.
