పవన్ రెండేళ్ల తరువాత చేస్తున్న కమ్ బ్యాక్ మూవీ అంటే ఎంత హైప్ ఉండాలి. ఆ మూవీ నుండి వచ్చే ఎటువంటి అప్డేట్ ఐనా ఎంత ట్రెండ్ అవ్వాలి. కానీ పవన్ వకీల్ సాబ్ చిత్రంలోని మొదటి అప్డేట్ లిరికల్ సాంగ్ ఏమంత అభిమానులను మెప్పించినట్లు అనిపించడం లేదు. ఈనెల 8న వకీల్ సాబ్ మూవీ నుండి మగువా మగువా అనే లిరికల్ సాంగ్ విడుదల చేశారు. వకీల్ సాబ్ ఆడవాళ్ళ గురించిన సామజిక సబ్జెక్టు తో తెరకెక్కుతున్న చిత్రం కావడంతో ఉమెన్స్ డే కానుకగా మగువా..మగువా లిరికల్ సాంగ్ విడుదల చేయడం జరిగింది. ఈ పాటకు రామజోగయ్య లిరిక్స్ అందించగా స్టార్ సింగర్ సైద్ శ్రీరామ్ పాడారు. ఈ పాటకు సంగీతం థమన్ అందించిన సంగతి తెలిసిందే.
కాగా అల వైకుంఠపురంలో సినిమాకు థమన్ ఇచిన సాంగ్స్ బ్లాక్ బస్టర్ గా నిలిచాయి. సినిమా విడుదలకు నెలల ముందే సామజవరగమన సాంగ్ విడుదల చేశారు. ఈ పాటను కూడా సిద్ శ్రీరామ్ పాడడం జరిగింది. ఆ పాట బన్నీ ఫ్యాన్స్ తో పాటు మ్యూజిక్ లవర్స్ కి మంచి విందు పంచింది. థమన్, సిద్ శ్రీరామ్ కాంబినేషన్ లో వచ్చిన మగువా మగువా సాంగ్ మాత్రం సామజవరగమనా సాంగ్ లో సగం హైప్ కూడా తెచ్చుకోలేకపోయింది. ఎన్నో అంచనాల మధ్య వచ్చిన మగువా మగువా సాంగ్ పవన్ ఫ్యాన్స్ కి అంతగా నచ్చిన దాఖలాలు లేవు. విడుదలై వారం దాటిపోతున్నా ఈ సాంగ్ కి ఇప్పటివరకు కేవలం 8 మిలియన్ వ్యూస్ మాత్రమే వచ్చాయి. దేవిశ్రీ స్వరపరిచిన ఉప్పెన సినిమాలోని నీకన్ను నీలి సముద్రం.. 15 మిలియన్ వ్యూస్ దక్కించుకోవడం విశేషం.
Most Recommended Video
యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!
