ఫిలిం ఇండస్ట్రీలో ఒక తరహా (జానర్) సినిమా హిట్ అయితే ఇక అదే తరహా కథలు, సినిమాలు క్యూ కడుతుంటాయి.. ప్రేమకథలు, ఫ్యాక్షన్ స్టోరీస్ అలా వచ్చినవే.. లవ్, ఫ్యామిలీ సినిమాలు ఎప్పుడొచ్చినా ఆదరణ బాగుంటుంది.. అలాగే ఒకే టైప్ టైటిల్స్, కాంబినేషన్స్ కూడా క్యూరియాసిటీ కలిగిస్తుంటాయి.. క్రేజీ కాంబినేషన్ ఉన్నా కానీ అంచనాలను అందుకోలేక అట్టర్ ఫ్లాప్ అయిన చిత్రాలూ చాలానే ఉన్నాయి.. అప్పటికి మంచి ఫామ్‌లో ఉన్న శ్రీకాంత్, అంజా ఝవేరి జంటగా..
పవన్ కళ్యాణ్ ‘తమ్ముడు’ మూవీతో ఇంట్రడ్యూస్ అయిన పి.ఎ. అరుణ్ ప్రసాద్ దర్శకత్వంలో ‘ప్రేమ సందడి’ అనే సినిమా ఒకటొచ్చిందని చాలా మందికి తెలియదు.. వరుసగా ఆరు హిట్లతో డబుల్ హ్యాట్రిక్ కొట్టి.. ఇప్పుడు బాలయ్యని డైరెక్ట్ చేస్తున్న బ్లాక్ బస్టర్ డైరెక్టర్ అనిల్ రావిపూడికి అరుణ్ ప్రసాద్ స్వయానా బాబాయ్ అవుతాడు.. సందడి లేకుండా పోయిన ‘ప్రేమ సందడి’ మూవీ గురించిన వివరాలు ఇప్పుడు చూద్దాం.. డెబ్యూతోనే ‘తమ్ముడు’ వంటి సాలిడ్ బ్లాక్ బస్టర్ కొట్టిన అరుణ్ ప్రసాద్..
తర్వాత పవన్ ‘బద్రి’ సినిమాని తమిళంలో విజయ్, భూమిక, మోనాల్ తారాగణంగా రీమేక్ చేశాడు.. ఇది కోలీవుడ్ డెబ్యూ.. తెలుగులో రెండో సినిమా బాలయ్యతో ‘భలే వాడివి బాసూ’.. ‘నరసింహ నాయుడు’ వంటి ఇండస్ట్రీ హిట్ తర్వాత బాలయ్యకి అట్టర్ ఫ్లాప్ ఇచ్చాడు.. తర్వాత శ్రీకాంత్, అంజలా ఝవేరి జంటగా.. ‘ప్రేమ సందడి’ చేశాడు.. ‘పెళ్లి సందడి’ హీరో, పైగా అదే స్టైల్ టైటిల్, ‘ప్రేమంటే ఇదేరా’ హీరోయిన్, సూపర్ హిట్ మ్యూజిక్ డైరెక్టర్ కోటి సంగీతం..
వినోద్ కుమార్, జయ ప్రకాష్ రెడ్డి, బ్రహ్మానందం, గిరిబాబు, సన వంటి బిజీ ఆర్టిస్టులు, భారీ టెక్నీషియన్లతో అత్యంత భారీగా తెరకెక్కించారు.. 2001 అక్టోబర్ 19న విడుదల చేశారు.. కట్ చేస్తే.. అంచనాలు తలకిందులయ్యాయి.. ఎంతలా క్రేజీ కాంబినేషన్ సెట్ చేసుకున్నా, ఎంత హైప్ క్రియేట్ చేసినా కానీ.. కథ ఆకట్టుకోక పోవడం, దాన్ని అర్థవంతంగా రూపొందించడంలో విఫలమవడం కారణంగా సినిమా డిజాస్టర్ అయింది.. ‘‘ఇదేం సినిమా రా బాబూ?’’ అంటూ జనాలు నెత్తీ నోరూ బాదుకుంటూ థియేటర్ల నుండి బయటకు వచ్చారు..
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
