కండల వీరుడు సల్మాన్ ఖాన్ మరోసారి రికార్డులను బద్దలు కొట్టారు. అతని తాజా చిత్రం సుల్తాన్ మూడు రోజుల్లో 105 కోట్లు వసూళ్లు రాబట్టి రికార్డ్ సృష్టించింది. అనుష్క శర్మ హీరోయిన్ గా నటించిన ఈ చిత్రం అన్ని వర్గాల ప్రజలని విశేషంగా ఆకట్టుకుంటోంది. యశ్ రాజ్ ఫిల్మ్ వారు నిర్మించిన ఈ మూవీలో సల్మాన్ రెజ్లర్ గా అద్భుత నటన ప్రదర్శించారు.
రంజాన్ సందర్బంగా దేశవ్యాప్తంగా రిలీజ్ అయిన సుల్తాన్ సినీ ప్రముఖుల అభినందనలు అందుకుంటోంది. ఇందులో సల్మాన్ నటనకు అక్కినేని అఖిల్ ఫిదా అయిపోయారు. అటువంటి నటన మరెవ్వరూ ఎప్పటికీ చేయలేరని కితాబు ఇచ్చారు. ” సల్మాన్ ఖాన్ భయ్యా.. మీరు సుల్తాన్ సినిమాతో మాకు స్ఫూర్తిని ఇచ్చారు. అందుకు కృతజ్ఞతలు.” అంటూ ట్విట్టర్లో పోస్ట్ చేశారు. అఖిల్ మాత్రమే కాదు సుల్తాన్ చూసిన ఎవరైనా సల్మాన్ ఖాన్ శ్రమకి సెల్యూట్ చేస్తారు. ఈ సినిమా కోసం అంతలా కష్టపడ్డారు. ఆ కృషికి తగిన ప్రతిఫలం పొందడంతో సల్మాన్ చాలా ఆనందంగా ఉన్నారు.
Thank you Salman Khan
for being such an inspiration. What an experience #Sultan was. BHAI ! Bigger and better than ever !
— Akhil Akkineni
(@AkhilAkkineni8) July
9, 2016
