తన డైరెక్షన్ లో తెరకెక్కిన సినిమాల ద్వారా ఎన్నో సంచలన విజయాలను సొంతం చేసుకున్న డైరెక్టర్లలో రాజమౌళి ఒకరు. రాజమౌళి పేరు ప్రస్తుతం బ్రాండ్ గా మారిపోయింది. రాజమౌళితో సినిమా అంటే ఖర్చు విషయంలో రాజీ పడకుండా ఎంత మొత్తమైనా ఖర్చు చేసి సినిమాలను నిర్మించడానికి నిర్మాతలు సిద్ధంగా ఉన్నారు. వచ్చే ఏడాది నుంచి రాజమౌళి మహేష్ మూవీ రెగ్యులర్ షూటింగ్ ను మొదలుపెట్టనున్నారు. ఏదైనా సినిమాకు పాజిటివ్ టాక్ వస్తే ఆ సినిమాను థియేటర్లలో వెంటనే చూసే అతికొద్ది మంది దర్శకులలో రాజమౌళి ఒకరు.
తాజాగా ఈ దర్శకుడు బింబిసార సినిమాను చూశారని తెలుస్తోంది. రాజమౌళి నందమూరి కుటుంబానికి సన్నిహితుడు కావడంతో పాటు బింబిసార సినిమాకు కీరవాణి బ్యాగ్రౌండ్ మ్యూజిక్ అందించిన సంగతి తెలిసిందే. రాజమౌళి ఈ సినిమాను చూడటానికి ఇది కూడా ఒక కారణమని చెప్పవచ్చు. అయితే బింబిసార సినిమా చూసి రాజమౌళి సోషల్ మీడియాలో ఈ సినిమా గురించి రియాక్ట్ కాలేదు. అయితే రాజమౌళి రియాక్ట్ కాకపోవడానికి వేరే కారణం ఉందని నెటిజన్లు కామెంట్లు చేస్తున్నారు.
ఆగష్టు 5వ తేదీన బింబిసార సినిమాతో పాటు సీతారామం సినిమా కూడా విడుదలైంది. ఒక సినిమా గురించి స్పందించి మరో సినిమా గురించి స్పందించకపోతే నెగిటివ్ కామెంట్లు వస్తాయని జక్కన్న భావిస్తున్నారని సమాచారం. జక్కన్నలాంటి డైరెక్టర్ బింబిసార సినిమా గురించి స్పందిస్తే బింబిసార కలెక్షన్లు ఇంకా పుంజుకునే ఛాన్స్ అయితే ఉంటుందని చెప్పవచ్చు. జక్కన్న రాబోయే రోజుల్లో అయినా ఈ సినిమా గురించి స్పందిస్తారేమో చూడాల్సి ఉంది.
పరిమిత బడ్జెట్ తో తక్కువ రోజుల్లో బింబిసార మూవీ షూటింగ్ జరిగింది. కళ్యాణ్ రామ్ కు నిర్మాతగా కూడా ఈ సినిమా మంచి లాభాలను అందించింది. మల్లిడి వశిష్ట కొత్త దర్శకుడు అయినా ఏ మాత్రం తడబడకుండా ఈ సినిమాను తెరకెక్కించారు.
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
