Pawan Kalyan: పవన్ అమెరికాకు వెళ్లడానికి అసలు కారణమిదేనా?
September 20, 2022 / 02:17 PM IST
|Follow Us
పవర్ స్టార్ పవన్ కళ్యాణ్ కు తెలుగు రాష్ట్రాల ప్రేక్షకుల్లో ఊహించని స్థాయిలో క్రేజ్ ఉంది. సినిమాసినిమాకు పవన్ కళ్యాణ్ కు ఫ్యాన్ ఫాలోయింగ్ అంతకంతకూ పెరుగుతోంది. పవన్ సినిమాకు యునానిమస్ పాజిటివ్ టాక్ వస్తే 200 కోట్ల రూపాయల షేర్ కలెక్షన్లు వస్తాయని ఫ్యాన్స్ భావిస్తున్నారు. పవన్ ప్రస్తుతం హరిహర వీరమల్లు, వినోదాయ సిత్తం రీమేక్ లలో నటిస్తున్న సంగతి తెలిసిందే. కొన్నిరోజుల క్రితం వరకు పవన్ కళ్యాణ్ రాజకీయ కార్యక్రమాలతో బిజీగా ఉన్నారు.
అయితే నిన్న రాత్రి పవన్ అమెరికాకు వెళ్లారని తెలుస్తోంది. పవన్ అమెరికాలో ఒక ముఖ్యమైన వ్యక్తిని కలవడానికి వెళ్లారని బోగట్టా. జనసేన పార్టీకి సంబంధించి అమెరికాలో పవన్ కొంతమందిని కలవనున్నారని తెలుస్తోంది. మరికొన్ని రోజుల పాటు పవన్ అమెరికాలోనే ఉంటారని సమాచారం అందుతోంది. పవన్ అమెరికా పర్యటనకు సంబంధించి వేర్వేరు వార్తలు ప్రచారంలోకి వస్తుండటం గమనార్హం. మరోవైపు వచ్చే నెల 16వ తేదీ నుంచి పవన్ కళ్యాణ్ హరిహర వీరమల్లు షూటింగ్ లో పాల్గొననున్నారు.
ఈ సినిమా కోసం పవన్ ఏకంగా 50 రోజుల డేట్లు కేటాయించారని తెలుస్తోంది. వచ్చే ఏడాది సమ్మర్ లో ఈ సినిమా రిలీజ్ కానున్నట్టు మేకర్స్ ప్రకటించగా వేగంగానే ఈ సినిమా షూటింగ్ జరగనుందని తెలుస్తోంది. హరిహర వీరమల్లుతో పవన్ కెరీర్ బిగ్గెస్ట్ హిట్ అందుకోవాలని ఫ్యాన్స్ కోరుకుంటున్నారు.
200 కోట్ల రూపాయలకు పైగా అత్యంత భారీ బడ్జెట్ తో ఈ సినిమా తెరకెక్కుతోంది. పవన్ కు జోడీగా ఈ సినిమాలోని నిధి అగర్వాల్ నటిస్తున్నారు. పవన్ నిధి కాంబినేషన్ లో తెరకెక్కుతున్న తొలి సినిమా ఇదే కావడం గమనార్హం. 2023 సంవత్సరంలో పవన్ నటించిన రెండు సినిమాలు థియేటర్లలో విడుదలయ్యే అవకాశం ఉంది. పవన్ సినిమాలకు రికార్డ్ స్థాయిలో బిజినెస్ ఆఫర్లు వస్తున్నాయి.