గత కొన్నిరోజులుగా రామ్ చరణ్ గౌతమ్ తిన్ననూరి కాంబినేషన్ మూవీ ఆగిపోయిందని వార్తలు జోరుగా ప్రచారంలోకి వస్తుండగా ఆ వార్తలు నిజమేనని ప్రూవ్ అయింది. కారణాలు చెప్పకపోయినా ఈ సినిమా ఆగిపోయిందని చరణ్ పీఆర్ టీం నుంచి క్లారిటీ వచ్చింది. మళ్లీ రావా, జెర్సీ సినిమాలతో అభిమానుల హృదయాలను గెలుచుకున్న గౌతమ్ తిన్ననూరి ఈ రెండు సినిమాలతో కమర్షియల్ గా కూడా మంచి ఫలితాలను సొంతం చేసుకున్నారు. జెర్సీ సినిమా నాని సినీ కెరీర్ లో ప్రత్యేకమైన సినిమాగా నిలిచింది.
ఈ సినిమాలో నాని అభినయానికి విమర్శకుల నుంచి కూడా మంచి మార్కులు పడ్డాయి. అయితే జెర్సీ సినిమా అదే టైటిల్ తో గౌతమ్ డైరెక్షన్ లో షాహిద్ కపూర్ హీరోగా తెరకెక్కగా హిందీలో మాత్రం ఈ సినిమా ఆశించని ఫలితాన్ని అందుకోలేదు. ఈ సినిమా ఫ్లాప్ కావడంతో చరణ్ గౌతమ్ తిన్ననూరి కాంబినేషన్ పై అనుమానాలు మొదలయ్యాయి. హిందీలో తెరకెక్కిన జెర్సీ మూవీ నిర్మాతలకు కూడా భారీ మొత్తంలో నష్టాలను మిగిల్చింది.
ఆచార్య సినిమా ఫ్లాప్ నేపథ్యంలో చరణ్ కెరీర్ విషయంలో ఏ మాత్రం రిస్క్ తీసుకోవడానికి ఇష్టపడటం లేదు. చరణ్ భవిష్యత్తు ప్రాజెక్టులు పాన్ ఇండియా ప్రాజెక్ట్ లుగా తెరకెక్కుతుండటం వల్ల చరణ్ సినిమాల బడ్జెట్ కూడా భారీ స్థాయిలో పెరిగిందని కామెంట్లు వ్యక్తమవుతూ ఉండటం గమనార్హం. జెర్సీ మూవీని హిందీలో అక్కడి ప్రేక్షకులకు నచ్చేలా తెరకెక్కించడంలో గౌతమ్ తిన్ననూరి ఫెయిల్ కావడంతో చరణ్ గౌతమ్ కు ఆఫర్ ఇవ్వలేదు.
విజయ్ దేవరకొండ గౌతమ్ తిన్ననూరి కాంబినేషన్ లో సినిమా తెరకెక్కనుందని ప్రచారం జరుగుతుండగా ఈ కాంబినేషన్ లో సినిమాకు సంబంధించి త్వరలో స్పష్టత వచ్చే ఛాన్స్ అయితే ఉందని చెప్పవచ్చు. చరణ్ కొత్త ప్రాజెక్ట్ కు సంబంధించి త్వరలో ప్రకటన రానుందని చరణ్ పీఆర్ టీం వెల్లడించింది.
Our MegaPowerStar @AlwaysRamCharan garu’s next project #RC16 vth gowtam is not happening as previously announced, hope & wish it to happen at later point of time!#RamCharan garu’s new project announcement vl b Unveiling officially verysoon,whatever the combo is, it vl be lit
— SivaCherry (@sivacherry9) October 31, 2022
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
Home