Mitraaw Sharma: అంచనాలే లేకుండా సంచలనం..! మిత్రా శర్మాకి కలిసొచ్చింది ఇదే..!

May 17, 2022 / 02:55 PM IST

బిగ్ బాస్ నాన్ స్టాప్ ఓటీటీ సీజన్ 1 లో ఎలాంటి అంచనాలు లేకుండా అడుగుపెట్టింది మిత్రా శర్మా. అసలు బిగ్ బాస్ కి వచ్చే వరకూ ఈమె నటించిన సినిమాలు, లేదా ప్రొడ్యూస్ చేసిన సినిమాలు గురించి ఎవరికీ తెలీదు. ఫస్ట్ రెండు మూడు వారాల్లో అయితే డేంజర్ జోన్ లో కూడా ఉంది. ఆర్జే చైతూతో జరిగిన నామినేషన్స్ ఆర్గ్యూమెంట్ లో హైలెట్ అయ్యింది. తన డ్రామాని ఆడియన్స్ లైక్ చేశారు. నామినేషన్స్ అప్పుడు మిత్రా ఎప్పటికప్పుడు ఇలా హైలెట్ అవుతూ, ఎలిమినేషన్స్ అప్పుడు సేవ్ అవుతూ వచ్చింది.

తన విచిత్రమైన ఆట తీరుతో ఆడియన్స్ ని ఆకట్టుకుంది. హౌస్ మేట్స్ కి బలమైన ప్రత్యర్థిగా కూడా మారింది. హౌస్ లో స్ట్రాంగ్ ప్లేయర్స్ అనుకున్న తేజస్వి, అషూరెడ్డి, అజయ్, హమీదా ఇలా చాలామంది ఎలిమినేట్ అయిపోతున్నా కూడా మిత్రా శర్మా ఇప్పుడు టాప్ – 5 వరకూ వచ్చేసింది. ఎంతోమంది మిత్రాని నామినేట్ చేస్తూ ఎన్నో రీజన్స్ చెప్పి ఇంట్లో నుంచీ వెళ్లగొట్టాలని చూశారు. కానీ, వీకండ్ ఎప్పటికప్పుడు సేఫ్ అవుతూ వారికి సరైన సమాధానం చెప్పింది.

బాత్రూమ్ లో టిష్యూలపై రాతలు రాసినప్పటి నుంచీ మిత్రా హైలెట్ అవుతూనే వచ్చింది. ఏలియన్స్ టాస్క్ లో స్ట్రాటజీ వాడటం, రింగ్ టాస్క్ లో రెచ్చిపోయి పెర్ఫామ్ చేయడంతో మిత్రా గేమ్ అందరికీ నచ్చింది. అంతేకాదు, నటరాజ్ మాస్టర్ తో పోటీ పడుతూ ఆడిన ఆటలో చేతికి గాయం కూడా అయ్యింది. దెబ్బలు తగులుతున్నా కూడా ఎక్కడా గేమ్ లో వెనకడుగు వేయకుండా పోరాడింది.ో ఇప్పుడు టాప్ – 5 పై కన్నేసింది.

బిగ్ బాస్ హౌస్ లోకి వచ్చిన గెస్ట్ లు మిత్రా ఆటని మెచ్చుకున్న వాళ్లే ఎక్కువమంది ఉన్నారు. అంతేకాదు, మిత్రా కుటుంబ సభ్యుడు, ఫ్రెండ్ అయిన బాల కూడా మిత్రా ఆటని ప్రశంసించాడు. గేమ్ బాగా ఆడుతున్నావ్ అని, తన గేమ్ ఎలా ఉందో అలాగే కంటిన్యూ చేయమని తన ఫ్రెండ్ అయిన సిరి కూడా చెప్పింది. ఈ నేపథ్యంలో మిత్రా అస్సలు ఎలాంటి అంచనాలు లేకుండా హౌస్ లో తన గేమ్ లోనే ప్రత్యేకతని చూపించి సోషల్ మీడియాలో సంచలనం గా మారింది.

హౌస్ మేట్స్ అందరూ కలిసి గేమ్ ఆడుకుంటున్నా, ఒకరికొకరు సపోర్ట్ చేసుకుంటూ గేమ్ ఆడుతున్నా కూడా మిత్రా పట్టించుకోలేదు. అంతేకాదు, నామినేషన్స్ అప్పుడు తనని ఇమిటేట్ చేసినా, తనని ఎవ్వరూ పట్టించుకోకపోయినా కూడా హౌస్ లో ఒంటరి పోరాటం చేసింది. ఇదే మిత్రాకి బాగా కలిసొచ్చింది. బిందు, మిత్రా, అరియానా ఇప్పుడు ముగ్గురు ఫిమేల్ కంటెస్టెంట్స్ గా టాప్ 5లోకి అడుగు పెడతారనే టాక్ వినిపిస్తోంది. అలాగే, మిత్రా శర్మాకి ప్రతి వారం కూడా ఓటింగ్ పర్సెంటేజ్ అనేది పెరుగుతూ రావడం వల్లే సేఫ్ జోన్ లో ఉంది. అందుకే, మిగతా వాళ్లందరినీ ఓవర్ టేక్ చేసిందని చెప్పాలి. అదీ మేటర్.