విక్టరీ వెంకటేష్, సూపర్ స్టార్ మహేష్ బాబు లు హీరోలుగా..అంజలి, సమంత లు హీరోయిన్లుగా శ్రీకాంత్ అడ్డాల దర్శకత్వంలో తెరకెక్కిన చిత్రం ‘సీతమ్మ వాకిట్లో సిరిమల్లె చెట్టు’. ‘శ్రీ వెంకటేశ్వర క్రియేషన్స్’ బ్యానర్ పై దిల్ రాజు ఈ చిత్రాన్ని నిర్మించారు. టాలీవుడ్లో చాలా గ్యాప్ తర్వాత రూపొందిన మల్టీ స్టారర్ మూవీ ఇది. ఓ రకంగా ఇప్పుడు మల్టీ స్టారర్ చిత్రాలు ఎక్కువగా రూపొందుతున్నాయి అంటే దానికి ‘సీతమ్మ వాకిట్లో సిరిమల్లె చెట్టు’ చిత్రం వల్లే అని చెప్పడంలో అతిశయోక్తి లేదు. ‘పెళ్ళి సందడి’ చిత్రాన్ని ఏ విధంగా ప్రేక్షకులు ఎంజాయ్ చేస్తున్నారో.. అదే విధంగా ‘సీతమ్మ వాకిట్లో సిరిమల్లె చెట్టు’ చిత్రాన్ని కూడా ఎంజాయ్ చేస్తున్నారు ప్రేక్షకులు. 2013వ సంవత్సరం జనవరి 11న సంక్రాంతి కానుకగా ఈ చిత్రం విడుదల అయ్యింది. నేటితో ఈ చిత్రం విడుదలై 10 ఏళ్ళు పూర్తికావస్తోంది .
అయితే ఇలాంటి బ్లాక్ బస్టర్ చిత్రాన్ని కొంతమంది మిస్ చేసుకున్నారు. వాళ్ళు ఎవరో ఓ లుక్కేద్దాం రండి:
1) రజినీ కాంత్ :
ప్రకాష్ రాజ్ పోషించిన రేలంగి మావయ్య పాత్రకు మొదట రజనీ కాంత్ ను అనుకున్నాడు దర్శకుడు శ్రీకాంత్ అడ్డాల. కానీ రజనీ ఈ రోల్ కు నొ చెప్పారు
2) నాజర్ :
రేలంగి మావయ్య పాత్రకు నాజర్ ను కూడా అనుకున్నారు. కానీ చివరికి ప్రకాష్ రాజ్ నే ఫైనల్ చేశారు.
3) పవన్ కళ్యాణ్ :
మహేష్ పోషించిన చిన్నోడు పాత్రకు మొదట పవన్ కళ్యాణ్ ను అనుకున్నాడు శ్రీకాంత్. మొదట పవన్ ఓకె చెప్పాడు. కానీ తర్వాత కొన్ని కారణాల వల్ల తప్పుకున్నాడు.
4) నాగార్జున :
వెంకటేష్ పోషించిన పెద్దోడు పాత్రకు మొదట నాగార్జున ను అనుకున్నారు. కానీ ఆయన చేయలేదు.
5) విద్యా బాలన్:
అంజలి పోషించిన సీత పాత్ర కోసం ఈమెను సంప్రదించారు. కానీ ఆమె నొ చెప్పింది.
6) భూమిక :
వెంకటేష్ పాత్రకు జోడీగా భూమిక ను అనుకున్నారు. కానీ ఒక్కడు లో మహేష్ కు జోడీగా చేసి తర్వాత వదినగా చేయడం ఇష్టం లేక ఆమె నొ చెప్పింది.
7) అనుష్క :
సీత పాత్రకే ఈమెను సంప్రదించారు.కానీ భూమిక చెప్పిన రీజనే ఈమె కూడా చెప్పి తప్పుకుంది.
8) సుధ :
జయసుధ పాత్రకు మొదట ఈమెను అనుకున్నారు. కానీ లుక్ టెస్ట్ లో ఈమె ఆ పాత్రకు సెట్ అవ్వలేదు అని భావించి ఈమెను తప్పించారు.
9) మణిశర్మ :
మ్యూజిక్ డైరెక్టర్ గా మొదట ఇతన్ని అనుకున్నారు. కానీ మిక్కీ జె మేయర్ ను ఫైనల్ చేశారు.
10) హినా ఖాన్ :
బాలీవుడ్ నటి హీనా ఖాన్ ను సమంత సిస్టర్స్ లో ఒకరుగా అనుకున్నారు. కానీ ఈమె అనూహ్యంగా బరువు పెరగడంతో తప్పించారట.
Home