యంగ్ టైగర్ జూనియర్ ఎన్టీఆర్ కొరటాల శివ కాంబినేషన్ లో ఒక సినిమా తెరకెక్కనున్న సంగతి తెలిసిందే. నవంబర్ రెండవ వారం నుంచి ఈ సినిమా షూటింగ్ మొదలయ్యే అవకాశాలు ఉన్నాయని సమాచారం అందుతోంది. ఇండస్ట్రీ వర్గాల్లో ఈ సినిమాకు డైమండ్ అనే టైటిల్ ఫిక్స్ చేశారని వినిపిస్తోంది. పాన్ ఇండియా మూవీ కావడంతో ఈ సినిమాపై ప్రేక్షకుల్లో భారీస్థాయిలో అంచనాలు ఏర్పడ్డాయి. ఎన్టీఆర్ ఆర్ట్స్, యువసుధ ఆర్ట్స్ సంయుక్తంగా ఈ సినిమాను నిర్మిస్తుండటం గమనార్హం.
పొలిటికల్ డ్రామాగా ఈ సినిమా తెరకెక్కనుండగా డైమండ్ టైటిల్ బాగుందని ఎన్టీఆర్ ఫ్యాన్స్ సైతం అభిప్రాయపడుతున్నారు. జనతా గ్యారేజ్ సినిమాతో ఎన్టీఆర్ కొరటాల శివ కాంబో బ్లాక్ బస్టర్ హిట్ సాధించగా త్వరలో తెరకెక్కబోయే సినిమాతో ఎన్టీఆర్ ఖాతాలో ఇండస్ట్రీ హిట్ చేరుతుందని తారక్ ఫ్యాన్స్ భావిస్తున్నారు. త్వరలోనే ఎన్టీఆర్ 30వ సినిమా టైటిల్ కు సంబంధించి అధికారిక ప్రకటన వచ్చే అవకాశం ఉంది. ఈ సినిమాలో కియారా అద్వానీ హీరోయిన్ గా నటించే అవకాశాలు ఉన్నాయని అనిరుధ్ ఈ సినిమాకు సంగీతం అందిస్తున్నారని తెలుస్తోంది.
కొరటాల శివ ఇప్పటికే ఈ సినిమా స్క్రిప్ట్ పనులు పూర్తి చేశారని సమాచారం. ఇటీవలే ఆర్ఆర్ఆర్ మూవీని పూర్తి చేసిన ఎన్టీఆర్ తరువాత సినిమాలను వేగంగా పూర్తి చేయాలని భావిస్తున్నారు. కొరటాల శివ ఆచార్య సినిమా పనులతో బిజీగా ఉండటంతో ఈ సినిమా పనులు ఆలస్యమవుతున్నాయని సమాచారం.
Most Recommended Video
బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
