ఉప్పెన సినిమాతో గ్రాండ్ గా ఎంట్రీ ఇచ్చి బాక్సాఫీస్ వద్ద 70కోట్ల వసూళ్లను రాబట్టిన మెగామేనల్లుడు వైష్ణవ్ తేజ్ మెగా అభిమానులకు మంచి కిక్కిచ్చాడనే చెప్పాలి. ఉప్పెన విడుదల కాకముందే క్రిష్ లాంటి దర్శకుడితో చాలా వేగంగా మరొక సినిమా షూటింగ్ ను కూడా పూర్తి చేశాడు. ఆ సినిమాలో రకుల్ ప్రీత్ సింగ్ హీరోయిన్ గా నటించింది.
ఉప్పెన హిట్టవ్వడంతో ఆ సినిమాపై కూడా అంచనాలు పెరిగాయి.
దర్శకుడు క్రిష్ సొంత ప్రొడక్షన్ లో మినీ బడ్జెట్ తోనే సినిమాను నిర్మించాడు. కొండపొలం అనే నవల ఆధారంగా తెరకెక్కిన ఆ సినిమా కూడా చాలా ఇంట్రెస్టింగ్ గా ఉంటుందట. ఎమోషన్స్ తో పాటు క్రిష్ మార్క్ కు తగ్గట్లుగా మెస్సేజ్ కూడా ఉంటుందని సమాచారం. అయితే ఆ సినిమాకు టైటిల్ ను ఫిక్స్ చేసినట్లు తెలుస్తోంది. హాలీవుడ్ లో వచ్చిన జంగిల్ బుక్ అనే టైటిల్ ను ఈ సినిమాకు ఫిక్స్ చేశారట.
ఫారెస్ట్ బ్యాక్ డ్రాప్ లో నక్సలిజం పాయింట్ ను కూడా సినిమాలో హైలెట్ చేసినట్లు సమాచారం. ఇక కథకు తగ్గట్లుగానే జంగిల్ బుక్ అనే టైటిల్ ను ఫిక్స్ చేసినట్లు తెలుస్తోంది. త్వరలోనే దర్శకుడు క్రిష్ సినిమాకు సంబంధించిన అఫీషియల్ పోస్టర్ ను రిలీజ్ చేసి రిలీజ్ డేట్ పై కూడా క్లారిటీ ఇచ్చే అవకాశం ఉన్నట్లు సమాచారం. దర్శకుడు క్రిష్ ప్రస్తుతం పవన్ తో హిస్టారికల్ సినిమాను తెరకెక్కిస్తున్న విషయం తెలిసిందే.
Most Recommended Video
తన 11 ఏళ్ళ కేరీర్లో సమంత మిస్ చేసుకున్న సినిమాల లిస్ట్..!
నాని కొన్ని హిట్ సినిమాలను కూడా మిస్ చేసుకున్నాడు..!
