TNR: వైరల్ గా మారిన టి.ఎన్.ఆర్ చివరి వీడియో..!

May 10, 2021 / 06:12 PM IST

ప్రముఖ నటుడు, జర్నలిస్ట్, యాంకర్ అయిన టి.ఎన్.ఆర్ అలియాస్ తుమ్మల నరసింహారెడ్డి ఈరోజు కరోనాతో మరణించిన సంగతి తెలిసిందే. కొద్దిరోజుల క్రితం కరోనా కు గురైన ఆయన ట్రీట్మెంట్ నిమిత్తం ఆసుపత్రిలో జాయిన్ అయ్యారు. ‘ఆయన కోలుకుంటున్నారు.. ఆయన ఆరోగ్యం నిలకడగానే ఉంది’ అని మొన్నటి వరకు చెప్పుకొచ్చారు. అయితే శనివారం సాయంత్రం నుండీ పరిస్థితి పూర్తిగా మారిపోయింది. ఆయన ఆరోగ్యం మళ్ళీ విషమించింది.

దాంతో ఆయన్ని ఐ.సి.యులో పెట్టి ట్రీట్మెంట్ ఇచ్చారట వైద్యులు.. కానీ వారి ప్రయత్నాలు ఫలించలేదు. ఈరోజు ఉదయం ఆయన తుది శ్వాస విడిచారు. ఇదిలా ఉండగా.. ఆయన చివరి చేసిన ఓ వీడియో ఒకటి ఇప్పుడు తెగ వైరల్ అవుతుంది. నిజానికి చాలా భయపెడుతుంది అనే చెప్పాలి. కరోనా సోకిన తర్వాత రెస్ట్ తీసుకుంటూ కోలుకుంటున్నట్టు ఈ వీడియో ద్వారా ఆయన తెలియజేసారు. ‘ప్రతీరోజు మంచి సినిమాలు చూస్తున్నాను, పుస్తకాలు చదువుతున్నాను. బయట కరోనా గురించి వస్తున్న వార్తలను నమ్మి భయపడొద్దు. మీ పిల్లలకు మంచి మాటలు చెప్పండి. మంచి అలవాట్లు నేర్పండి.

ఈ సమయాన్ని మంచి కోసమే ఉపయోగించండి’ అంటూ ఆయన చెప్పుకొచ్చారు.ఇది నాలుగు రోజుల క్రితం వీడియో అని తెలుస్తుంది. అందరికీ ధైర్యం చెప్పిన ఆయన ఇలా అయిపోతారు అని ఎవ్వరూ ఊహించలేదు. బయట కరోనా పరిస్థితి ఎంత ఘోరంగా ఉందో దీనిని బట్టి అందరూ గుర్తించి ఇప్పటికైనా కళ్ళు తెరవాలి అంటూ కొందరు సినీ ప్రముఖులు కామెంట్లు పెడుతున్నారు.