తెలుగు చలన చిత్ర పరిశ్రమలో మాస్ అనే పదానికి సరికొత్త నిర్వచనం తెలిపిన హీరో నందమూరి బాలకృష్ణ. ఆయనని చూడగానే ప్రతీ ఒక్కరికీ మాస్ అనే పదం గుర్తు వస్తుంది. ఆయన తీసిన సినిమాలు అలాంటివి. ఇండస్ట్రీ లో ఎంతో గౌరవప్రదమైన స్థానం లో ఉన్న బాలకృష్ణ ని , నిన్న ఆయన పుట్టిన రోజు నాడు టాలీవుడ్ మొత్తం విస్మరించింది. కనీసం ఒక్కరంటే ఒక్కరు కూడా బాలయ్య కి పుట్టిన రోజు శుభాకాంక్షలు తెలియచెయ్యలేదు.
ప్రతీ హీరో పుట్టినరోజుకు గుర్తు పెట్టుకొని మరీ శుభాకాంక్షలు తెలియచేసే సూపర్ స్టార్ మహేష్ బాబు మరియు మెగా స్టార్ చిరంజీవి కూడా బాలయ్య పుట్టిన రోజు ని పట్టించుకోలేదు. ‘అన్ స్టాపబుల్’ షో ద్వారా హీరోలకు బాగా దగ్గరైన బాలయ్య బాబు కి ఇలాంటి పరిస్థితి రావడం బాధాకరం. ఆయన వ్యాఖ్యాతగా వ్యవహరించిన ‘అన్ స్టాపబుల్’ షో కి పవన్ కళ్యాణ్ , మహేష్ బాబు , ప్రభాస్ మరియు అల్లు అర్జున్ హాజరయ్యారు.
ఇక బాలయ్య (Balakrishna) పుట్టినరోజు ముందు రోజు రామ్ చరణ్ బాలయ్య బాబు ని శర్వానంద్ వెడ్డింగ్ రిసెప్షన్ లో కలిశారు. బాలయ్య ని చూడగానే ఎంతో వినయం గా నమస్కరించి కాసేపు ముచ్చటించాడు రామ్ చరణ్. దానికి సంబంధించిన వీడియో సోషల్ మీడియా లో తెగ వైరల్ గా మారింది. చివరికి ఆయన కూడా బాలయ్య పుట్టిన రోజు నాడు శుభాకాంక్షలు తెలియచెయ్యలేదు. వీళ్లంతా బయట హీరోలు కాబట్టి శుభాకాంక్షలు తెలియచేయడం మర్చిపోయి ఉండొచ్చు అనుకుందాం.
కానీ సొంత నందమూరి కుటుంబ హీరోలైన జూనియర్ ఎన్టీఆర్ మరియు కళ్యాణ్ రామ్ కూడా బాలయ్య బాబు పుట్టినరోజు ని పట్టించుకోలేదు.గత సంవత్సరం వరకు పుట్టిన రోజు శుభాకాంక్షలు తెలియచేస్తూ వచ్చిన ఎన్టీఆర్ మరియు కళ్యాణ్ రామ్ ఈ ఏడాది అలా ఎందుకు మర్చిపోయారో వాళ్ళకే తెలియాలి అని అంటున్నారు బాలయ్య బాబు ఫ్యాన్స్. ఏది ఏమైనా ఒక లెజండరీ హీరో పుట్టినరోజు ని తెలుగు సినీ పరిశ్రమ మర్చిపోవడం అనేది మంచి విషయం కాదని అంటున్నారు విశ్లేషకులు.
టక్కర్ సినిమా రివ్యూ & రేటింగ్!
ప్రేక్షకులను థియేటర్ కు రప్పించిన సినిమాలు ఇవే..!
అత్యధికంగా రెమ్యునరేషన్ తీసుకుంటున్న మ్యూజిక్ డైరెక్టర్లు వీళ్లేనా..!/a>
కలెక్షన్లలో దూసుకుపోతున్న లేడీ ఓరియంటల్ సినిమాలు ఇవే!
Home