‘స్నేహగీతం’ సినిమాతో నటుడిగా కెరీర్ మొదలుపెట్టి ఆ తరువాత దర్శకుడిగా మారారు వెంకీ అట్లూరి. ‘తొలిప్రేమ’ సినిమాతో డైరెక్టర్ గా టాలీవుడ్ లో గ్రాండ్ ఎంట్రీ ఇచ్చారు. మొదటి సినిమాతోనే భారీ విజయాన్ని అందుకున్నారు. ఆ తరువాత ‘మిస్టర్ మజ్ను’, ‘రంగ్ దే’ వంటి సినిమాలు తీశారు. ఈ సినిమాలు పెద్దగా వర్కవుట్ కాలేదు. అయినప్పటికీ అతడికి అవకాశాలు వస్తూనే ఉన్నాయి. ఇప్పుడు ధనుష్ హీరోగా ‘సార్’ అనే సినిమా తీస్తున్నారు.
ఇదిలా ఉండగా.. ఇప్పుడు ఈ డైరెక్టర్ పెళ్లిపీటలు ఎక్కబోతున్నారు. ఈరోజు అతడి నిశ్చితార్ధం జరిగింది. దీనికి సంబంధించిన కొన్ని ఫొటోలను తన ఇన్స్టాగ్రామ్ స్టేటస్ లో పెట్టుకున్నారు. ఎంగేజ్మెంట్ ఈవెంట్ కి నిర్మాత స్వప్న దత్ తో పాటు కొందరు స్నేహితులు హాజరయ్యారు. పెళ్లి డేట్ కూడా ఫిక్స్ చేసినట్లు తెలుస్తోంది. దీని గురించి వెంకీ త్వరలోనే ప్రకటించే ఛాన్స్ ఉంది. ఇక ఆయన కొత్త సినిమా ‘సార్’ విషయానికొస్తే..
తెలుగు, తమిళ భాషల్లో ఈ సినిమాను రూపొందిస్తున్నారు. ఈ సినిమా గనుక క్లిక్ అయితే వెంకీ అట్లూరి టాప్ డైరెక్టర్ల లిస్ట్ లో చేరడం ఖాయం. ఫిబ్రవరి 17, 2023లో ఈ సినిమాను రిలీజ్ చేయడానికి సన్నాహాలు చేస్తున్నారు. ఇందులో సంయుక్త మీనన్ హీరోయిన్ గా నటిస్తోంది. ఇప్పటికే ఈ సినిమా నుంచి కొన్ని పోస్టర్స్, ఒక పాటను విడుదల చేశారు.
వీటికి ప్రేక్షకుల నుంచి మంచి రెస్పాన్స్ వచ్చింది. ఇప్పుడు ప్రమోషన్స్ జోరు మరింతగా పెంచనున్నారు. ఈ సినిమాలో సాయికుమార్ విలన్ గా కనిపించనున్నారు. శ్రీకర స్టూడియోస్ సమర్పణలో సితార ఎంటర్ టైన్ మెంట్స్ – ఫార్చూన్ ఫోర్ సినిమాస్ సంయుక్తంగా ఈ సినిమాను నిర్మిస్తున్నాయి.
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
Home