ఇలా పెళ్ళైందో లేదో.. వెంటనే ఈ నిర్మాత కొడుకు రూటు మార్చాడు..!

April 30, 2021 / 09:02 AM IST

ఈ మధ్యనే పెళ్లి చేసుకుని ఓ ఇంటివాడైన యంగ్ హీరో.. వెంటనే నిర్మాతగా మారి తన తండ్రితో మొదటి సినిమా చేయడానికి రెడీ అవుతున్నాడు. వివరాల్లోకి వెళితే.. ‘మనసంతా నువ్వే’ ‘ఒక్కడు’ ‘వర్షం’ ‘నువ్వొస్తానంటే నేనొద్దంటానా’ వంటి బ్లాక్ బస్టర్ సినిమాలను అందించిన నిర్మాత యం.యస్.రాజు కొడుకుగా సినీరంగ ప్రవేశం చేసిన సుమంత్ అశ్విన్.. ‘అంతకు ముందు ఆ తరువాత’ ‘లవర్స్’ ‘కేరింత’ వంటి హిట్ సినిమాల్లో నటించాడు. ఈ మధ్యనే పెళ్లి కూడా చేసుకున్నాడు.

ఆ వెంటనే బిజినెస్ స్టార్ట్ చెయ్యాలని డిసైడ్ అయిపోయాడు. నిర్మాతగా మారి పలు కంటెంట్ ఉన్న సినిమాలను నిర్మించాలన్నది ఇతని కోరికట. తొలి ప్రయత్నంగా తన తండ్రి యం.యస్.రాజు దర్శకత్వంలో ఓ సినిమా నిర్మించాలని ప్రయత్నాలు మొదలుపెట్టేశాడు . ‘వైల్డ్ హనీ ప్రొడక్షన్స్’ పేరుతో సొంత నిర్మాణ సంస్థను స్థాపించిన సుమంత్ అశ్విన్.. ‘7డేస్..6 నైట్స్’ అనే ఓ సస్పెన్స్ థ్రిల్లర్ మూవీని రూపొందించడానికి రెడీ అయినట్లు తెలుస్తుంది.

గతేడాది ఎండింగ్లో .. యం.యస్.రాజు దర్శకత్వంలో వచ్చిన ‘డర్టీ హరి’ చిత్రం ఓటిటిలో విడుదలయ్యి హిట్ అయ్యింది. ఇది బోల్డ్ కంటెంట్ మూవీ అయినప్పటికీ యం.యస్.రాజుకి లాభాలను తెచ్చిపెట్టింది. ఇక సుమంత్ అశ్విన్.. తాను నిర్మించబోయే సినిమాలను కేవలం థియేట్రికల్ రిలీజ్ కోసమే అని కాకుండా ఓటిటిలను దృష్టిలో పెట్టుకుని కూడా ప్లాన్ చేసుకుంటున్నట్టు సమాచారం.