బుల్లితెరపై నెంబర్ వన్ రియాలిటీ షోగా దూసుకుపోతుంది బిగ్ బాస్. ఇప్పటికే తెలుగులో నాలుగు సీజన్లను పూర్తి చేసుకున్న ఈ షో ఇప్పుడు ఐదో సీజన్ కోసం రంగం సిద్ధం చేసుకుంటుంది. ఇప్పటికే హౌస్ సెట్టింగ్ పూర్తి కాగా.. ప్రేక్షకులను అలరిస్తూ ప్రోమోలను కూడా రిలీజ్ చేస్తున్నారు. మరోపక్క కంటెస్టెంట్ల ఎంపిక కూడా దాదాపు పూర్తయినట్లే తెలుస్తోంది. కంటెస్టెంట్లు వీళ్లే అంటూ సోషల్ మీడియాలో ఓ లిస్ట్ చక్కర్లు కొడుతోంది.
వారిలో యాంకర్ రవి, సరయు, కొరియోగ్రాఫర్ నటరాజ్, యానీ మాస్టర్, లోబో, మానస్, ఉమా దేవి, జశ్వంత్, వీజే సన్నీ, ఆర్జే కాజల్, షణ్ముఖ్ జశ్వంత్, ట్రాన్స్‌జెండర్‌ ప్రియాంక, వర్షిణి, లహరి శ్రీ, ప్రియ ఉన్నారు. ఇక ప్రతీ సీజన్ లో సింగర్ ఉన్నట్లే ఈసారి కూడా హౌస్ లో ఒక సింగర్ ఉండాలని బిగ్ బాస్ నిర్వాహకులు డిసైడ్ అయినట్లు తెలుస్తోంది. దానికోసం స్టార్ సింగర్ శ్రీరామచంద్రను షోలోకి రప్పిస్తున్నారని సమాచారం.
2010లో ఇండియన్ ఐడల్ టైటిల్ గెలుచుకున్న శ్రీరామచంద్ర పాటలు పాడడంతో పాటు పలు సినిమాల్లో నటించాడు. అతడు గనుక షోలోకి వస్తే మంచి బజ్ వస్తుంది. గత సీజన్లలో సింగర్లు గీతామాధురి, రాహుల్ సిప్లిగంజ్ తమ పాటలతో అభిమానులను ఎంతగానో అలరించారు. రామచంద్ర కూడా అదే స్థాయిలో ఆకట్టుకుంటాడని అంటున్నారు. మరి నిజంగానే ఈ సింగర్ షోలో అడుగుపెట్టబోతున్నాడో లేదో చూడాలి!
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
