పవన్ కళ్యాణ్, మహేష్ ల సీక్రెట్స్ ని బయట పెట్టిన త్రివిక్రమ్

మాటల మాంత్రికుడు త్రివిక్రమ్ శ్రీనివాస్ కి పవర్ స్టార్ పవన్ కళ్యాణ్, సూపర్ స్టార్ మహేష్ బాబుతో మంచి అనుబంధం ఉంది. హీరో, డైరక్టర్ గా కంటే మిత్రులుగా మెలుగుతుంటారు. పవన్ తో ఎంతో మంది దర్శకులు పనిచేశారు. త్రివిక్రమ్ తో జల్సా, అత్తారింటికి దారేది సినిమాలు మాత్రమే చేశారు. అయినప్పటికీ మాటల మాంత్రికుడుతో గంటల తరబడి కబుర్లు చెప్పుకుంటారు. మహేష్ బాబు చాలా ప్రొఫిషనల్ గా ఉంటారు. పని చూసుకోవడం ఇంటికి వెళ్లిపోవడం. బయటి వారితో పెద్దగా కనెక్ట్ కారు. కానీ త్రివిక్రమ్ తో క్లోజ్ గా ఉన్నారు. అతడు తో మొదలైన వీరి స్నేహం ఖలేజా తో బలపడింది. రెండో చిత్రం ఫెయిల్ అయినా వీరి మధ్య స్నేహం కొంచెం కూడా చెక్కు చెదరలేదు.

స్టార్ హీరోలు స్నేహితులుగా చేసుకోవడం వెనుక సీక్రెట్ ఏమిటని ఓ ఇంటర్వ్యూ లో సమంత త్రివిక్రమ్ ని అడిగింది. అప్పుడు ఆయన నవ్వుతూ అసలు విషయం చెప్పారు. “మహేష్, పవన్ కి కూడా తెలియని విషయం ఒకటి ఉంది. వారిద్దరిలో ఒకే కామన్ పాయింట్ ని నేను గమనించాను. అదే సింప్లిసిటీ. రెండు జతల డ్రస్లు, షూస్, ఉండడానికి ఒక గది, చదువుకోవడానికి కొన్ని పుస్తకాలు, సినిమాలు చూసేందుకు టీవీ అంతే. అంతకన్నా మించి వారు ఏమి కోరుకోరు. కారులో వెళ్తున్నా అది ఏ రేంజ్ కారా? అనే విషయం పట్టించుకోరు. బహుశా.. ఆ సింప్లిసిటీనే వారికీ నన్ను దగ్గర చేసిందని అనుకుంటాను” అని వివరించారు.

Also, do SUBSCRIBE to our YouTube channel to get latest Tollywood updates.