మెగాస్టార్ చిరంజీవి ‘ఖైదీ నెంబర్ 150’ సినిమాతో చాలా గ్యాప్ తరువాత రి ఎంట్రీ ఇచ్చి వరుస సినిమాలని లైన్లో పెడుతున్నాడు. ప్రస్తుతం సురేందర్ రెడ్డి దర్శకత్వంలో నటిస్తున్న ‘సైరా’ సినిమా భారీ బడ్జెట్ తో తెరకెక్కుతుంది. ఈ సినిమా షూటింగ్ లో ఉండగానే కొరటాల శివ చెప్పిన కథ బాగా నచ్చడంతో ‘సైరా’ తరువాత చిరూ, కొరటాల శివ కాంబినేషన్ లో సినిమా ఉంటుందని చెబుతున్నారు. ఇక డైరెక్టర్ కొరటాల శివ పూర్తి స్క్రిప్ట్ సిద్ధం చేసే పనిలో ఉండగా ఈ సినిమా రెగ్యులర్ షూటింగ్ వచ్చే ఏడాది లో ఉంటుందని చెబుతున్నారు.
ఇది ఇలా ఉంటె, డైరెక్టర్ త్రివిక్రమ్ కూడా చిరంజీవి కి సరిపడే ఒక కథని సిద్ధం చేసాడట. ఇటీవలే చిరంజీవిని కలసిన త్రివిక్రమ్ కథ చెప్పడంతో ఆ కథ బాగా నచ్చి వెంటనే చిరంజీవి ఒకే చేసాడట. ఇక త్రివిక్రమ్ అల్లు అర్జున్ తో చేయబోయే సినిమా పూర్తైన వెంటనే చిరంజీవి కథపైనే పూర్తి శ్రద్ద పెట్టనున్నాడట. ఈ సినిమాకి డీవీవీ దానయ్య నిర్మాతగా వ్యవహరిస్తాడని సమాచారం. ఇంకా చిరంజీవి, బోయపాటి కాంబినేషన్ లో కూడా ఒక సినిమా ఉంటుందనే వార్తలు వినిపించగా త్రివిక్రమ్ తో సినిమా తరువాతనే బోయపాటి సినిమా ఉంటుందనే వార్తలు వినిపిస్తున్నాయి.
