మాటల మాంత్రికుడు త్రివిక్రమ్ శ్రీనివాస్ ప్రస్తుతం యంగ్ టైగర్ ఎన్టీఆర్ తో అరవింద సమేత వీర రాఘవ సినిమా చేస్తున్నారు. పూజా హెగ్డే, ఈషా రెబ్బా హీరోయిన్స్ గా నటిస్తున్న ఈ చిత్రం దాదాపు 40 శాతం పూర్తి అయింది. హారిక అండ్ హాసిని ప్రొడక్షన్ బ్యానర్లో రాధాకృష్ణ నిర్మిస్తున్న ఈ మూవీ అక్టోబర్ 10 న థియేటర్లోకి రానుంది. ఇలా ఈ సినిమా విషయంలో త్రివిక్రమ్ పక్కా ప్లాన్ తో ఉన్నారు. ఈ చిత్రం విషయంలోనే కాదు తన తదుపరి సినిమా విషయంలోనూ కరక్ట్ గా ఉన్నారు. నెక్స్ట్ సినిమాని ఇప్పుడే ఫిక్స్ చేశారు. స్టైలిష్ స్టార్ అల్లు అర్జున్ తో త్రివిక్రమ్ సినిమా ఖాయమైందని ఫిలిం నగర్ వాసులు చెప్పారు.
ఈ చిత్రాన్ని డీవీవీ దానయ్య నిర్మించనున్నట్లు తెలిసింది. ఇదివరకు అల్లు అర్జున్, త్రివిక్రమ్ కలయికలో రెండు సినిమాలు వచ్చాయి. జులాయి, సన్నాఫ్ సత్యమూర్తి చిత్రాల్లో తండ్రి సెంటిమెంట్ ని బాగా చూపించి త్రివిక్రమ్ హిట్ కొట్టారు. ఈసారి ఏ విలువలు చెప్పనున్నారో చూడాలి. బన్నీ విషయానికి వస్తే… నా పేరు సూర్య సినిమా అపజయం తర్వాత బన్నీ కొంచెం ఎక్కువ జాగ్రత్త తీసుకున్నారు. మంచి కథ కోసం అనేకమందితో స్టోరీలు విన్నారు. చివరగా విక్రమ్ కుమార్ కథకి ఒకే చెప్పారు. నల్లమలుపు బుజ్జి నిర్మించనున్న ఈ చిత్ర ప్రకటన త్వరలోనే రానుంది. దీని తర్వాత బన్నీ, త్రివిక్రమ్ మూవీ ఉంటుందని టాలీవుడ్ వర్గాలు తెలిపాయి.
