నిన్నుకోరి, మజిలీ సినిమాలతో రొటీన్ కథలకు భిన్నమైన కథలను తెరకెక్కించే టాలెంట్ ఉన్న డైరెక్టర్ గా శివ నిర్వాణ పేరు సంపాదించుకున్నారు. ప్రేమ కథలను కొత్తగా చూపించే ప్రతిభ ఉన్న దర్శకుడిగా శివ నిర్వాణకు పేరుంది. అయితే తాజాగా రిలీజైన టక్ జగదీష్ సినిమా ఫ్లాప్ ఎఫెక్ట్ శివ నిర్వాణపై పడింది. శివ నిర్వాణ రొటీన్ కథతో సినిమాను తెరకెక్కించడంతో పాటు కథనంలో ఎన్నో లోపాలు ఉండటం సినిమాకు మైనస్ గా మారింది.
సినిమా చూసిన ప్రేక్షకులలో చాలామంది ఈ సినిమాను బ్రహ్మోత్సవం సినిమాతో పోల్చి కామెంట్లు చేస్తున్నారు. శివ నిర్వాణ తర్వాత సినిమా విజయ్ దేవరకొండ హీరోగా తెరకెక్కాల్సి ఉంది. అయితే టక్ జగదీష్ ఆశించిన స్థాయిలో ఫలితాన్ని అందుకోకపోవడంతో విజయ్ దేవరకొండ శివ నిర్వణ డైరెక్షన్ లో నటిస్తారో లేదో చూడాల్సి ఉంది. శివ నిర్వాణ ఇప్పటికే విజయ్ కు కథ చెప్పినట్టు సమాచారం. విజయ్ దేవరకొండ ప్రస్తుతం లైగర్ సినిమాలో నటిస్తున్నారు.
విజయ్ నో చెబితే మాత్రం శివ నిర్వాణకు ఇబ్బందులు తప్పవు. విజయ్ దేవరకొండ ఎలాంటి నిర్ణయం తీసుకుంటారో తెలియాలంటే మరికొన్ని రోజులు ఆగాల్సిందే. లైగర్ మూవీతో పాన్ ఇండియా హీరోగా గుర్తింపును సొంతం చేసుకోవాలని విజయ్ భావిస్తుండగా విజయ్ ఆశలు ఈ మూవీతో తీరతాయో లేదో చూడాల్సి ఉంది. గీతా గోవిందం తర్వాత విజయ్ నటించిన సినిమాలు బాక్సాఫీస్ వద్ద హిట్ కాలేదు. లైగర్ తో విజయ్ ఇండస్ట్రీ హిట్ సాధిస్తాడని ఫ్యాన్స్ భావిస్తున్నారు.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
