అదే ప్లాప్ సినిమాని ఎన్ని సార్లు టెలికాస్ట్ చేస్తారు…!

April 23, 2020 / 05:56 PM IST

ఓ అరడజను ప్లాప్ ల తర్వాత ‘చిత్రలహరి’ చిత్రంతో బయటపడ్డాడు. కిశోర్ తిరుమల డైరెక్షన్లో వచ్చిన ఈ చిత్రాన్ని ‘మైత్రి మూవీ మేకర్స్’ వారు నిర్మించారు. ఈ చిత్రం తర్వాత ‘జిఏ2 పిక్చర్స్’ బ్యానర్ పై ‘ప్రతీరోజూ పండగే’ చిత్రం చేసాడు.ఇది పెద్ద బ్లాక్ బస్టర్ అయ్యింది. దీంతో తేజ్ తరువాతి సినిమాల పై కూడా మంచి బజ్ ఏర్పడుతుంది.కెరీర్ కొంచెం గాడిలో పడింది అని ఆనందపడుతున్న తరుణంలో ఓ టీవీ ఛానల్ వారి వల్ల మళ్ళీ తన క్రేజ్ కు దెబ్బ పడుతుందేమో అని సాయి తేజ్ భయపడుతున్నట్టు తెలుస్తుంది.

ఇప్పుడున్న లాక్ డౌన్ నేపధ్యంలో … సీరియల్స్ షూటింగ్ లు కూడా నిలిచిపోయాయి.దీంతో సీరియల్స్ ను మళ్ళీ మొదటి నుండీ టెలికాస్ట్ చెయ్యడం.. మిగిలిన టైం లో సినిమాలు టెలికాస్ట్ చేసి మ్యానేజ్ చెయ్యాలి అని వారు భావిస్తున్నారు.ఈ క్రమంలో ఓ ఛానల్ వారు సాయి తేజ్ … అట్టర్ ప్లాప్ సినిమాల్లో ఒకటైన ‘తిక్క’ ను వారంలో నాలుగైదు సార్లు టెలికాస్ట్ చేస్తున్నారట. ఆ సినిమా షూటింగ్ ‘సుప్రీమ్’, ‘సుబ్రహ్మణ్యం ఫర్ సేల్’ కంటే ముందే ఫినిష్ అయినా… ప్రివ్యూ చూసిన బయ్యర్స్ కొనుగోలు చెయ్యడానికి ఇష్టపడలేదు.

TV channels making Sai Dharam Tej Sad1

‘సుబ్రహ్మణ్యం ఫర్ సేల్’, ‘సుప్రీమ్’ చిత్రాలు రిలీజ్ అయ్యి హిట్ అవ్వడం తర్వాత తేజ్ మార్కెట్ కాస్త పెరగడంతో … ‘తిక్క’ సినిమా విడుదలకు నోచుకుంది. అయితే ప్రేక్షకులు , క్రిటిక్స్ ఈ చిత్రాన్ని ఏకి పారేశారు. తేజు స్టోరీ సెలక్షన్ పై కూడా చాలా విమర్శలు వచ్చాయి. అలాంటి సినిమాని మళ్ళీ టెలికాస్ట్ చెయ్యడం… దాని వల్ల తన కెరీర్ పై ఎఫెక్ట్ పడుతుందేమో అని సాయి భయపడుతున్నాడట.