Nayanthara: నయన్ ఆ ఇద్దరి బడా స్టార్స్‌ ను చాలా ఇబ్బంది పెట్టిందట..!

November 6, 2021 / 12:16 PM IST

టాలీవుడ్, కోలీవుడ్ ఇండస్ట్రీలలో నటిగా తనకంటూ మంచి గుర్తింపు తెచ్చుకున్న స్టార్ హీరోయిన్‌లలో నయనతార ఒకరు. వరుసపెట్టి సినిమాలు చేస్తూ దక్షిణాదిలోనే అత్యధిక రెమ్యునరేషన్ తీసుకుంటున్న హీరోయిన్‌గా గుర్తింపు తెచ్చుకుంది. స్టార్ డమ్ అనేది హీరోలకే సొంతం కాదని నిరూపించిన అతికొద్ది మంది హీరోయిన్లలో నయన్ కూడా ఒకరు. పి వాసు దర్శకత్వంలో రజినీకాంత్ హీరోగా నటించిన చంద్రముఖి సినిమాతో నయనతారకి స్టార్‌డమ్ వచ్చింది. ఇక ఆ తర్వాత తమిళ్‌తో పాటు తెలుగులో కూడా నయనతారకి మంచి క్రేజ్ ఏర్పడింది.

ఆ తర్వాత తెలుగులోనూ గజిని, లక్ష్మీ, బాస్, వల్లభ, దుబాయ్ శ్రీను వంటి చిత్రాలు ఆమెకు మంచి పేరు తీసుకొచ్చాయి.కేవలం సినిమాలతో మాత్రమే కాకుండా వ్యక్తిగత విషయాలలోను నయన్ వార్తల్లో వ్యక్తిగా నిలిచారు. ఆమె కెరియర్ తొలి నాళ్ల నుంచి నేటి వరకు రకరకాల వదంతులకు వేదికగా నిలిచింది. తొలుత యువ హీరో శింబుతో ప్రేమాయణం కొనసాగించిన నయన్, ఆ తర్వాత కొరియోగ్రాఫర్ ప్రభుదేవాతోనూ చెట్టాపట్టాలేసుకుని తిరిగింది. కానీ వీటిలో ఏ ఒక్కటి పెళ్లి వరకు వెళ్లలేదు. అయితే రెండో ఇన్నింగ్స్ మాత్రం నయనతార సూపర్ స్పీడులో ముందుకెళ్తోంది.

అయితే నయనతార గురించి పరిశ్రమలో ఒక వార్త ఇటీవల చక్కర్లు కొడుతోంది. అదేంటంటే నయనతార గతంలో ఏ సినిమా చేసినా ప్రమోషన్స్‌కి తూచా తప్పకుండా హాజరయ్యేవారు. కానీ కొన్నేళ్ల నుంచి మాత్రం.. ఆమె ఇంటర్వ్యూలకు కానీ, ఈవెంట్స్‌కి కానీ హాజరు అవ్వట్లేదు. అగ్రిమెంట్ సమయంలోనే ఈ విషయం నయనతార దర్శకనిర్మాతలకి తేల్చి చెప్పేస్తున్నారట. ఈమె కారణంగా టాలీవుడ్ అగ్ర కథానాయకులు చిరంజీవి, వెంకటేష్‌లు సైతం ఇబ్బందులు ఎదుర్కోవాల్సి వచ్చిందని అప్పట్లో పుకార్లు షికారు చేశాయి. అయితే నయన్ క్రేజ్ కారణంగా మేకర్స్ మారు మాట్లాడటం లేదని టాక్.