సూపర్ స్టార్ కొత్త సినిమాకు పరిశీలనలో రెండు పేర్లు

సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న మూవీ  వేగంగా షూటింగ్ జరుపుకుంటోంది. ప్రస్తుతం ఖమ్మం లోని కొత్తగూడెం ప్రాంతంలో ప్రిన్స్, హీరోయిన్ రకుల్ ప్రీత్ సింగ్, విలన్ ఎస్.జె సూర్యలపై కొన్ని యాక్షన్ సన్నివేశాలను చిత్రీకరిస్తున్నారు. వందకోట్ల బడ్జెట్ తో ఏకకాలంలో తెలుగు, తమిళ భాషల్లో ఎన్.వి.ప్రసాద్, ఠాగూర్ మధు, నమ్రతలు సంయుక్తంగా నిర్మిస్తున్న ఈ చిత్రం ఫస్ట్ లుక్ టీజర్ ని దీపావళికి రిలీజ్ చేయనున్నారు.

టైమ్ దగ్గర పడుతుండడంతో చిత్ర బృందం టైటిల్ పై దృష్టి పెట్టింది. ఈ చిత్రం కోసం అభిమన్యు, ఏజెంట్ శివ అనే రెండు పేర్లను ఫిలిం ఛాంబర్లో రిజిస్టర్ చేయించినట్లు తాజా సమాచారం. వీటిలో సూపర్ స్టార్ దేనికి ఒకే చెబుతాడో మరో రెండు రోజుల్లో తెలియనుంది. గతంలో అభిమన్యు పేరు మీద వచ్చిన సినిమాలు ఫెయిల్ అయ్యాయని, ఆ పేరు జోలికి పోవద్దవి ఫ్యాన్స్ ప్రిన్స్ కి చెప్పడం, అందుకు ఆయన నవ్వి చూద్దాములే అని అనడం కొన్ని రోజుల క్రితం జరిగింది. సో ఫ్యాన్స్ మాటకు మహేష్ విలువ ఇచ్చి ఏజెంట్ శివ టైటిల్ కే ఓటేస్తారని అందరూ అనుకుంటున్నారు.