డైరక్టర్ సుకుమార్ తన తొలి చిత్రం నుంచి ఐటెం సాంగ్స్ పై దృష్టి పెట్టారు. పక్కా ప్రేమకథ చిత్రమైన ఆర్య లోను “అ అంటే అమలాపురం” అంటూ అదరగొట్టారు. ఆ తర్వాత జగడం లో 36 24 36 అని కేక పుట్టించారు. ఇక 100 % లవ్ సినిమాలో “డియ్యలా డియ్యలా” పాట మాస్ కి బాగా దగ్గరైంది. ఆలాగే తాను ప్రస్తుతం డైరక్ట్ చేస్తున్న రంగస్థలం 1985 చిత్రంలోనూ ఓ మాస్ మసాలా సాంగ్ ని పెడుతున్నారు. ఈ పాటలో పూజా హెగ్డే అందాలు ఆరబోయడానికి సైన్ చేసింది. ఇందుకోసం రాక్ స్టార్ దేవీ శ్రీ ప్రసాద్ అద్భుతమైన ట్యూన్స్ ని కంపోజ్ చేసినట్లు తెలిసింది. ఇవి అ అంటే అమలాపురం పాటను బీట్ చేసేలా ఉంటాయని సమాచారం.
ఈ రెండు ట్యూన్స్ లో ఒకదానికి డైరక్టర్, హీరో ఫైనల్ చేయనున్నారు. ఫైనల్ కాగానే పాట సెట్స్ మీదకు వెళ్లనుంది. ఆది పినిశెట్టి, జగపతిబాబు, అనసూయ తదితరులు నటిస్తున్న రంగస్థలం1985 సినిమా ఫస్ట్ లుక్ ని త్వరలో పవర్ స్టార్ పవన్ కళ్యాణ్ రిలీజ్ చేయనున్నారు. మైత్రి మూవీ మేకర్స్ వారు నిర్మిస్తున్న ఈ మూవీ డిసెంబర్ లో రిలీజ్ కానుంది.
