‘బిగ్ బాస్ 6’ ప్రారంభమై మూడు వారాలు పూర్తయ్యింది. హౌస్ లోకి 21 మంది కంటెస్టెంట్స్ ఎంట్రీ ఇస్తే.. ఆల్రెడీ ముగ్గురు ఎలిమినేట్ అయ్యారు. ప్రస్తుతం హౌస్ లో 18 మంది కంటెస్టెంట్స్ ఉన్నారు. వారిలో జనాలకు బాగా తెలిసిన కంటెస్టెంట్ ఫైమా అని చెప్పొచ్చు. ఈమె హౌస్ లోకి 17వ కంటెస్టెంట్ గా ఎంట్రీ ఇచ్చింది. ఎవి తోనే జనాలకు కన్నీళ్లు పెట్టించింది ఈ అమ్మాయి. చిన్నప్పటి నుండి ఎన్నో కష్టాలను దాటుకుంటూ ఇప్పుడు ఒక సెలబ్రిటీగా నిలబడింది. తన రియల్ క్యారెక్టర్ ఏంటో తెలుగు ప్రేక్షకులకు పరిచయం చేస్తానంటూ హౌస్లోకి ఎంట్రీ ఇచ్చిన ఈ రెబల్ కంటెస్టెంట్ గురించి కొన్ని ఆసక్తికర విషయాలు తెలుసుకుందాం రండి :
1) ఫైమా తెలంగాణకు చెందిన అమ్మాయే. హైదరాబాద్ లోనే పుట్టి పెరిగింది.
2) ఈమె అసలు పేరు ఫైమా షేక్. అవును ఈమె ముస్లిం కుటుంబానికి చెందిన అమ్మాయి. ఫైమాతో కలిపి వీరి తల్లిదండ్రులకు 4 మంది ఆడపిల్లలు ఉన్నారు.
3) ఈమె ఇంటర్మీడియట్ వరకు చదువుకుంది. డిగ్రీ చదవడానికి కాలేజీలో జాయిన్ అయినప్పటికీ.. కొన్ని కారణాల వలన మధ్యలోనే ఆపేసింది.
4) అదే టైంలో ఈమె ఈటీవీ ప్లస్ లో ప్రసారమయ్యే పటాస్ షో కి హాజరయ్యే అవకాశం దక్కింది.
5) ఆ షోలో హోస్ట్ లు అడిగే ప్రశ్నలకు నాన్ స్టాప్ గా ఫన్నీ ఆన్సర్స్ ఇచ్చింది ఫైమా.మిగిలిన స్టూడెంట్స్ ను ఈమె ఆన్సర్ చెప్పనివ్వకుండా డామినేట్ చేసేసింది. ఫైమా చెప్పిన ఆన్సర్స్ కు ఫిదా అయిన యాంకర్ రవి.. పిలిచి మరీ ఫైమాకి పటాస్ లో ఛాన్స్ ఇప్పించాడు.
6) మొదట ఫైమా కుటుంబ సభ్యులు అంగీకరించలేదు. కానీ ఫైమా వారిని రిక్వెస్ట్ చేయడంతో ఒప్పుకున్నారు. ‘పటాస్’ తో పాపులర్ అయిన ఈమె ‘పోవే పోరా’ షోలో కూడా పాల్గొంది. ఆ షో ‘పటాస్’ అంత సక్సెస్ కాలేదు.
7) అటు తర్వాత ఫైమా కి జబర్దస్త్ లో కూడా ఛాన్స్ దక్కింది. బుల్లెట్ భాస్కర్ టీంలో ఈమె స్కిట్స్ చేస్తూ మరింత పాపులర్ అయ్యింది.
8) ఫైమా వయసు ఇప్పుడు 23 ఏళ్ళు. ఇంత చిన్న వయసుకే కుటుంబ బాధ్యతలు చేపట్టింది, సెలబ్రటీ కూడా అయ్యింది.అయితే సినిమాల్లో యాక్ట్ చేయాలనేది ఫైమా డ్రీం. అందుకోసం వెయిట్ చేస్తుంది.
9) ఫైమాకి షాపింగ్, ట్రావెలింగ్ అంటే ఎక్కువ ఇష్టం. ఖాళీ సమయాల్లో వాటికే ప్రిఫరెన్స్ ఇస్తుంది.
10) ఫైమా ఇన్స్టాగ్రామ్ ఖాతాకి 3 లక్షలకి పైగా ఫాలోవర్స్ ఉన్నారు.ప్రతిభకి అందంతో పని లేదు అని ఫైమా నిరూపిస్తుంది.ఎంతో మందికి ఈమె ఆదర్శంగా నిలుస్తుంది కూడా..! ‘బిగ్ బాస్ 6’ లో ఈమె స్ట్రాంగ్ కంటెస్టెంట్ లా కనిపిస్తుంది. మరి టాప్ ప్లేస్ లో నిలుస్తుందో లేదో చూడాలి. బిగ్ బాస్ లో కనుక ఈమె టాప్ ప్లేస్ ను దక్కించుకుంటే కచ్చితంగా ఈమెకు సినిమాల్లో అవకాశాలు దక్కే అవకాశం ఉంది.
