RJ Chaitu: ఆర్జే చైతన్య గురించి ఎవ్వరికీ తెలియని 12 ఇంట్రెస్టింగ్ విషయాలు..!

తెలుగు ప్రేక్షకులను అలరించడంలో బిగ్ బాస్ సక్సెస్ అయ్యింది. 5 సీజన్లు సక్సెస్ ఫుల్ గా ముగిసాయి. దాంతో ఇప్పుడు ఏకంగా ‘బిగ్ బాస్ నాన్ స్టాప్’ అంటూ ఓ ఓటిటి సీజన్ ను మొదలుపెట్టారు. గతవారం చాలా గ్రాండ్ గా ఈ షో ప్రారంభమైంది. నాగార్జునే ఈ షోని కూడా హోస్ట్ చేస్తున్నారు. అప్పుడే వారం కావస్తుంది. మొదటి ఎలిమినేషన్ కు కూడా సమయం ఆసన్నమైంది. ఇదిలా ఉండగా.. షో ప్రారంభం నుండీ ప్రేక్షకుల అటెన్షన్ ను డ్రా చేసిన వాళ్ళలో ఆర్జే చైతన్య ఒకరు.

ఆర్జేగా అందరికీ ఇప్పటివరకు ఎక్కువ శాతం వినిపిస్తూ అలరిస్తూ వచ్చిన చైతన్య ‘బిగ్ బాస్ నాన్ స్టాప్’ తో ప్రేక్షకులందరికీ కనిపించాడు. ఇతని గురించి కొన్ని ఆసక్తికర విషయాలను ఇప్పుడు తెలుసుకుందాం :

1) ఆర్జే చైతన్య ఆంధ్రప్రదేశ్ లోని విజయవాడకి చెందిన వ్యక్తి. ఇతని పూర్తి పేరు చైతన్య బసవ.

2) 1989 వ సంవత్సరం ఆగష్ట్ 2న ఇతను జన్మించాడు. ఇతను పుట్టిపెరిగింది అంతా విజయవాడలోనే..!

3) ఇతని చిన్న వయసులోనే తండ్రిని కోల్పోయాడు. దాంతో కుటుంబ బాధ్యతలు ఇతని పై పడ్డాయి. తన తల్లికి సాయంగా అన్ని పనుల్లోనూ తోడుగా ఉండేవాడు చైతన్య.

4) చైతన్య ఓ షాప్స్ లో డెలివరీ బాయ్ గా కూడా పనిచేసేవాడు. రేడియోని విన్నప్పుడల్లా తాను కూడా వారిలా మాట్లాడాలి అని ప్రయత్నించేవాడు.

5) అటు తర్వాత ఇతను హైదరాబాద్ కు షిఫ్ట్ అవ్వడం జరిగింది. ఓ పక్క కాలేజీకి వెళ్ళడం, మరో పక్క యానిమేషన్ కోర్స్ చేయడం,నైట్ అయితే కాల్ సెంటర్లో జాబ్ చేయడం వంటివి చేసేవాడు చైతు.

6) కొన్నాళ్ళకి రేడియో జాకీలో జాయిన్ అవ్వడం తన గోల్ గా పెట్టుకున్నాడు. కానీ తాను ప్రయత్నించిన ప్రతీసారి రిజెక్ట్ అవుతూ వచ్చేవాడు. మొత్తంగా ఇతను 6 సార్లు రిజెక్ట్ అయ్యాడు. అయినా నిరాశ చెందకుండా జాబ్ కొట్టి ఆర్జేగా మారాడు.

7) అటు తర్వాత ఇతను ఒక అమ్మాయితో ప్రేమలో పడ్డాడట. కానీ కొన్ని కారణాల వల్ల ఇతని ప్రేమ విఫలమైంది.

8) డిప్రెషన్ కు గురైన టైములో తన గోల్స్ తనని బలంగా నిలబెట్టినట్టు చైతూ ఓ సందర్భంలో చెప్పుకొచ్చాడు.

9) ఇక ఇతను ఆర్జేగా సెటిల్ అయిన తర్వాత ఇతని తల్లి విజయవాడ నుండీ హైదరాబాద్ కు షిఫ్ట్ అయ్యి ఫుడ్ బిజినెస్ మొదలుపెట్టిందట. చైతుకి ఆ రకంగా ఆమె అండగా నిలబడిందట.

10) ఎప్పటికైనా ఓ ఇల్లు కట్టి తన తల్లికి గిఫ్ట్ గా ఇవ్వాలి అనేది తన కల అని చైతన్య తెలిపాడు.

11) చైతన్యకి ఫుడ్ అంటే ఇష్టం అని మొహమాటం లేకుండా చెప్పేస్తుంటాడు. తన బాడీ షేమింగ్ పై కూడా ఎన్నో ట్రోల్స్ వస్తుంటాయని, చాలా బాదగా అనిపించినా వాటిని ఎదుర్కోవడం అలవాటైందని తెలిపాడు.

12) ఆర్జే చైతన్యకి ఎన్టీఆర్ అంటే చాలా ఇష్టం. ఇక ‘బిగ్ బాస్’ లో ఇతను ఎంత వరకు రాణిస్తాడు అనేది తెలియాల్సి ఉంది.

అంతేకాదు, తను ఎన్ని కష్టాలు పడిందో కూడా కళ్లకి కట్టినట్లుగా ఎవిలో చూపించాడు. నిజానికి ఆర్జే చైతూ మంచి భోజన ప్రియుడు. ఫుడ్ బాగా లాగించేస్తానని చెప్పాడు. అంతేకాదు, డబుల్ డిజిట్ లో తన వెయిట్ ఎప్పటికైనా రావాలంట. ఛాటర్ బాక్స్ అనే యాష్ ట్యాగ్ తో హౌస్ లోకి ఎంట్రీ ఇచ్చాడు మనోడు.