డైలాగ్ కింగ్ మోహన్ బాబు పర్సనల్ లైఫ్ లో అంత విషాదం ఉందా?

February 13, 2021 / 03:20 PM IST

మోహన్ బాబు…ఈ పేరుకి ప్రత్యేక పరిచయం అవసరం లేదు. నెగిటివ్ రోల్స్ తో కెరీర్ ను ప్రారంభించి.. ఆ తరువాత హీరోగా, క్యారెక్టర్ ఆర్టిస్ట్ గా ఎన్నో విభిన్నమైన పాత్రలను పోషించి ఎంతో మంది అభిమానులను సొంతం చేసుకున్నాడు. ఒకానొక దశలో ఈయన విలన్ గా చేస్తున్న సినిమాలో కూడా హీరోతో సమానంగా పారితోషికం అందుకునే వారు.! చిరు,బాలయ్య, వెంకీ,నాగార్జున.. ఇలా ఏ హీరోతో చేసినా సరే.. వారితో సమానంగా పారితోషికం అందుకునే వారు మోహన్ బాబు.

అందుకు దర్శకనిర్మాతలు కూడా వెనుకాడేవారు కాదు. ఇక ఈయన మాట్లాడే విధానం కూడా కొంతమందికి కాస్త ఇబ్బందిగా అనిపించినా.. ఈయన భోళా మనిషి అని వారికి తెలుసు. అందుకే ఈయనతో వారు మరింత సన్నిహితంగా మెలుగుతారు. అయితే మోహన్ బాబు పర్సనల్ లైఫ్ లో చాలా ట్రాజెడీ ఉందన్న సంగతి చాలా మందికి తెలీదు. ఇండస్ట్రీ చెన్నైలో ఉండే రోజుల్లోనే మోహన్ బాబు విద్యావతి అనే అమ్మాయిని పెళ్లి చేసుకున్నారు. ఆ టైములో ఆయన ఇంకా సినిమా ప్రయత్నాలు చేస్తూనే ఉండేవారు.

వీరు ఎంతో అన్యోన్యంగా ఉండేవారు. అయితే ఆమె ఆకస్మిక మరణం చెందింది. అప్పటికే వీరికి విష్ణు,లక్ష్మీ మంచు జన్మించారు. అయితే విద్యావతి మరణించాక.. మోహన్ బాబుకి రెండో పెళ్లి చేసుకోవాల్సిన పరిస్థితి ఏర్పడింది. ఆ టైములో వేరే బయట అమ్మాయిని వివాహం చేసుకుంటే.. పిల్లలను సరిగ్గా చూస్తుందో లేదో అని భావించి.. విద్యావతి గారి చెల్లెలు నిర్మలా దేవినే వివాహం చేసుకున్నారు. వీరికి మనోజ్ జన్మించాడు.