నందమూరి బాలకృష్ణ హోస్ట్ గా ‘అన్స్టాపబుల్ విత్ ఎన్‌బీకే’ అనే షోని మొదలుపెట్టారు. ఆహాలో స్ట్రీమింగ్ అయిన ఈ షోకి మంచి రెస్పాన్స్ వచ్చింది. ఫస్ట్ సీజన్ సూపర్ హిట్ అవ్వడంతో ఇప్పుడు రెండో సీజన్ కోసం రెడీ అవుతున్నారు నిర్వాహకులు. ఈ ఏడాది దసరాకి బాలకృష్ణ కొత్త సినిమా రిలీజ్ అవుతుందని ఆశించారు అభిమానులు. కానీ ఆ సినిమా వచ్చే ఏడాది సంక్రాంతికి వెళ్లింది. ఇప్పుడు ఆ సమయంలో ‘అన్స్టాపబుల్’ కొత్త సీజన్ ను టెలికాస్ట్ చేయాలని చూస్తున్నారు.
రెండో సీజన్ ఫస్ట్ ఎపిసోడ్ ను విజయదశమి కానుకగా విడుదల చేయాలని ప్లాన్ చేస్తున్నట్లు సమాచారం. సీజన్ 1లో మహేష్ బాబు, అల్లు అర్జున్, రవితేజ, మోహన్ బాబు, రాజమౌళి, కీరవాణి, రానా దగ్గుబాటి, రష్మిక మందన్నా లాంటి స్టార్లు సందడి చేశారు. ఇప్పుడు సీజన్ 2లో ఎవరెవరు కనిపించబోతున్నారనే ఆసక్తి అభిమానుల్లో నెలకొంది. ఈసారి కూడా పేరున్న సెలబ్రిటీలను తీసుకురాబోతున్నారు. అందుతున్న సమాచారం ప్రకారం.. తొలి ఎపిసోడ్ కి మెగాస్టార్ చిరంజీవి గెస్ట్ గా రాబోతున్నారట.
ఆయన నటించిన ‘గాడ్ ఫాదర్’ సినిమా విజయ దశమి కానుకగా అక్టోబర్ 5న విడుదల కానుంది. ఆ సినిమా ప్రమోషన్స్ లో భాగంగా మెగాస్టార్ ని బాలయ్య షోకి తీసుకురావాలనుకుంటున్నారు. నిజానికి మొదటి సీజన్ కే చిరంజీవి గెస్ట్ గా రావాల్సివుంది. కానీ కుదరలేదు. ఈసారి సీజన్ 2 ఎపిసోడ్ ను చిరుతోనే మొదలుపెట్టాలని చూస్తున్నారు. అలానే తొలి సీజన్ లో కనిపించిన కొందరు హీరోలు రెండో సీజన్ లో కూడా గెస్ట్ లుగా కనిపిస్తారని టాక్.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
