మెగా పవర్ స్టార్ రామ్ చరణ్ భార్య ఉపాసన సోషల్ మీడియాలో చాలా యాక్టివ్ గా ఉంటారు. తన కుటుంబానికి సంబంధించిన విషయాలను అభిమానులతో షేర్ చేసుకుంటుంటారు. తాజాగా మరో ఫోటోని పోస్ట్ చేశారు. ఈ ఫొటోతో చరణ్ సక్సస్ సీక్రెట్ బయటపడింది. ఈ ఫొటోలో చరణ్ దేవుళ్ళకు భక్తి శ్రద్ధలతో పూజ చేస్తున్నారు. కొత్త సినిమా షూటింగ్ కి వెళ్లేముందు చెర్రీకి పూజ చేయడం అలవాటు. ఈ విషయాన్నీ ఫొటోతో సహా ఉపాసన వెల్లడించింది. నిన్న బోయపాటి శ్రీను దర్శకత్వంలో చేస్తున్న సినిమా షూటింగ్ కి చరణ్ వెళ్లారు. “రాజవంశస్థుడు” అనే టైటిల్ పరిశీలిస్తున్న ఈ సినిమా వేగంగా షూటింగ్ జరుపుకుంటోంది.
డీవీవీ దానయ్య భారీ బడ్జెట్ తో నిర్మిస్తున్న ఈ చిత్రం మొదటి షెడ్యూల్ పూర్తి చేసుకుంది. ఇందులో రామ్ చరణ్ కి అన్నయ్యలుగా తమిళ హీరో ప్రశాంత్‌ (జీన్స్‌ హీరో), నవీన్‌ చంద్ర(అందాల రాక్షసి), ఆర్యన్ రాజేష్ (సొంతం) నటించనున్నారు. చెర్రీ కి వదినలుగా అలనాటి హీరోయిన్ స్నేహ, అనన్య (‘జర్నీ’ ఫేం), హిమజలు కనిపించనున్నారు. వారిపై తొలి షెడ్యూల్ కంప్లీట్ చేశారు. నిన్న ప్రారంభమైన రెండో షెడ్యూల్ లో చరణ్ తో పాటు విలన్ గా చేస్తున్న వివేక్ ఓబరాయ్ కూడా పాల్గొన్నారు. బాలీవుడ్ బ్యూటీ కైరా అద్వానీ హీరోయిన్ గా నటిస్తున్న ఈ సినిమాపై భారీ అంచనాలున్నాయి.
