Vadde Naveen: ‘బిగ్‌బాస్‌ 6’ కి ఎంట్రీ ఇవ్వబోతున్న సీనియర్ హీరో..!

June 29, 2022 / 10:21 AM IST

‘బిగ్ బాస్’ కు తెలుగులో కూడా మంచి ఆదరణ ఏర్పడింది. ఇందులో పాల్గొనే కంటెస్టెంట్స్ అందరూ ఫేమస్ అయిపోతుండడం.. వరుస సినిమాల్లో నటిస్తుండడం మనం చూస్తూనే వస్తున్నాం.అలాగే సినిమాల్లో ఫేడౌట్ అయిపోయి అవకాశాలు లేని స్టార్స్ కూడా ఇందులో కంటెస్టెంట్ లు గా హాజరు కాబోతుండడం కూడా మనం చూస్తూనే వస్తున్నాం. ఇప్పటికే 5 సీజన్స్‌ సక్సెస్ ఫుల్ గా ముగిసాయి. ఈ ఏడాది ‘బిగ్ బాస్ నాన్ స్టాప్’ అంటూ ఓటీటీ సిరీస్ కూడా స్టార్ట్ అయ్యింది.

కానీ దానికి ఆశించిన స్థాయిలో రెస్పాన్స్ రాలేదు.అందులో విన్నర్ అయిన ‘బిందు మాధవి’ పేరు తప్ప ఇంకో కంటెస్టెంట్ పేరు జనాలకి తెలియదు అనడంలో అతిశయోక్తి లేదు. అయితే ‘బిగ్ బాస్ నాన్ స్టాప్’ రూపంలో ఓ ఫిమేల్ కంటెస్టెంట్ విన్నర్ అవ్వడం పట్ల అంతా సంతోషం వ్యక్తం చేశారు. ఇక ఇప్పుడు అందరి దృష్టి ‘బిగ్ బాస్ 6’ పై పడింది. ఈసారి మంచి మంచి కంటెస్టెంట్ లని తీసుకొచ్చి ‘బిగ్ బాస్ నాన్ స్టాప్’ కు వచ్చిన నెగిటివ్ రిజల్ట్ ను మరిపించాలని మేకర్స్ భావిస్తున్నారు.

సెప్టెంబర్‌ మొదటి వారంలో 6వ సీజన్‌ ప్రారంభమయ్యే అవకాశాలు కనిపిస్తున్నాయి. జబర్దస్త్ కమెడియన్స్ ఆది, దీప్తి పిల్లి, వర్షిణి, యాంకర్ ధనుష్, ఓటీటీ కంటెస్టెంట్ లు శివ, అనిల్, మిత్రా శర్మ లు సీజన్ 6 లో పాల్గొనే అవకాశం ఉందనే ఊహాగానాలు వినిపిస్తున్న తరుణంలో ఇప్పుడు సీనియర్ హీరో వడ్డే నవీన్ పేరు కూడా ఎక్కువగా వినిపిస్తుంది.

మంచు మనోజ్ హీరోగా రామ్ గోపాల్ వర్మ దర్శకత్వంలో 2016 లో వచ్చిన ‘ఎటాక్’ లో వడ్డే నవీన్ నటించాడు. ఆ తర్వాత మళ్ళీ మాయమైపోయాడు. ఇప్పుడు ఇతను ‘బిగ్ బాస్6’ లోకి ఎంట్రీ ఇవ్వబోతున్నాడు అనే ప్రచారం ఊపందుకుంది.