ఒకే కుటుంబం నుండి ఇద్దరు హీరోలు ఇండస్ట్రీలో ఉండటం కొత్త విషయమేమీ కాదు. అయితే ఇద్దరి సినిమాలు ఒకేసారి థియేటర్లలోకి రావడం మాత్రం చాలా అరుదు. టాలీవుడ్‌లో అయితే అతి అరుదు అని చెప్పొచ్చు. అయితే ఇప్పుడు ‘పంజా’ బ్రదర్స్‌ రూపంలో అలాంటి ఫీట్‌ చూడబోతున్నామా? అవుననే అంటున్నాయి టాలీవుడ్‌ వర్గాలు. అయితే ఇద్దరి సినిమాలు ఒకే రోజున విడుదల అవ్వడం లేదు కానీ… ఒకేసారి థియేటర్‌లో ఉండే పరిస్థితి వస్తోంది.
చిరంజీవి పెద్ద మేనల్లుడు సాయితేజ్‌ చాలా రోజుల క్రితం ‘రిపబ్లిక్‌’ అనే సినిమా చేసిన విషయం తెలిసిందే. కరోనా పరిస్థితుల నేపథ్యంలో సినిమా విడుదల ఆగిపోయింది. అయితే సినిమాను ఎట్టకేలకు గ్యారేజ్‌ నుండి బయటకు తీస్తున్నాడు. అక్టోబరు 1న ఈ సినిమా విడుదల చేస్తామని చిత్రబృందం ఇటీవల ప్రకటించింది. దీని కోసం ప్రత్యేకంగా ఓ పోస్టర్‌ను కూడా విడుదల చేసింది. అయితే ఈ రోజు తమ్ముడు వైష్ణవ్‌ తేజ్‌ సినిమా ప్రకటన వచ్చింది. దీంతో మజా మొదలైంది.
వైష్ణవ్‌ తేజ్‌ – రకుల్‌ ప్రీత్‌ సింగ్‌ జంటగా క్రిష్‌ ఓ సినిమా రూపొందించిన విషయం తెలిసిందే. ఈ సినిమా తొలి లాక్‌ డౌన్‌ తర్వాత కొద్ది రోజుల్లోనే పూర్తి చేశారు. ‘కొండపొలం’ అనే నవల ఆధారంగా సినిమా రూపొందించినట్లు సమాచారం. సినిమాకు పేరు కూడా అదే పెడతారని భోగట్టా. చాలా రోజులుగా ఈ సినిమా అప్‌డేట్స్‌ లేవు. అయితే ఈ రోజు సినిమా గురించి ఓ ప్రకటన విడుదల చేశారు. దాని ప్రకారం చూస్తే సినిమా ఆక్టోబరు 8న రావొచ్చు. ఆ లెక్కన ‘రిపబ్లిక్‌’ థియేటర్లలో ఉండగానే ‘కొండపొలం’ వస్తుందన్నమాట. అలా అన్నదమ్ముల సవాల్‌ చూడొచ్చు.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
